Xalqimiz keksalarni hamisha e’zozlab, ularga hurmat-ehtirom ko‘rsatadi. Oramizda keksa nuroniylar borligining o‘zi ulug‘ ne’mat bo‘lib, ularning pand-u nasihati yoshlarimiz uchun bebaho xazinadir.
Ushbu jihatlar inobatga olingan holda Toshkent davlat iqtisodiyot universiteti Samarqand filialida “Uch avlod uchrashuvi” tashkil etildi.
Uchrashuvda mehnat faxriysi D.Toshboyev, Tabiiy ijtimoiy fanlar va jismoniy madaniyat kafedrasi mudiri O’.Xudoyorov, Korrupsiyaga qarshi kurash, komplayens nazorat-tizimini boshqarish boʻlimi bosh mutaxassisi A.Axmedov hamda 104 nafar talaba-yoshlar ishtirok etdi.
Ishtirokchilar o‘zaro o‘zlarining hayotiy tajribasi va kasbiy faoliyatida orttirgan tajribalari borasidagi mulohazalari bilan o‘rtoqlashishdi. Keksalarning tajribasi yoshlar uchun hayot maktabi. Ayniqsa, ularning qimmatli pand-nasihatlari, hayot saboqlari yoshlarning shijoati bilan birlashsa, jamiyatni rivojlantiruvchi kuchga aylanadi. Qolaversa, mamlakatimizda amalga oshirilayotgan keng ko‘lamli islohotlarning mazmun -mohiyatini yosh avlodga yetkazishda keksa avlod vakillarining alohida o‘rni bor. Darhaqiqat, mamlakatimizda barcha sohalarda islohotlar jadal suratlarda davom etyapti. Bu yangilanish va o‘zgarishlar avvalo fuqarolarning manfaatlari, ularning hayotdan rozi bo‘lib yashashlari uchun xizmat qilyapti. Mehmonlar ham davlatimizda amalga oshirilayotgan islohotlar haqida so‘zlab, erishilayotgan bu yutuqlar ko‘plab fidoiy insonlarning mashaqqatli mehnati samarasi ekanligini ta’kidlashdi. Uchrashuv so’ngida 30-aprel kuni Konistitutsiya qonun loyihasi bo‘yicha o‘tkaziladigan Referendumda faol qatnashishini va o‘zining kelajagiga befarq bo’lmagan barchani faol bo‘lishga chaqirishdi.