TDIU Samarqand filiali hamda Samarqand viloyati IIB xodimlari bilan hamkorlikda «Diniy ekstremizm va terrorizmga qarshi hamda odam savdosiga qarshi kurash» mavzusida profilaktik uchrashuv tashkil etildi

Joriy yil 12-aprel kuni bo'lib o'tgan ushbu tadbirda: S.Sobirov - Samarqand viloyati IIB Tergov boshqarmasi katta tergovchisi; F.Ibragimov - Samarqand viloyati IIB Tergov  boshqarmasi katta tergovchisi; T.Elbaev - Samarqand viloyati IIB Odam savdosiga qarshi kurash boshqarmasi tezkor xodimi;  Sh.Saidov - Samarqand viloyati IIB Terrorizmga qarshi kurash boshqarmasi bo'lim boshlig'i; F.Mamatkulov - Samarqand viloyati IIB terrorizmga qarshi kurash boshqarmasi tezkor xodimi; S.Shamsiev - Samarqand viloyati IIB terrorizmga qarshi kurash boshqarmasi tezkor xodimi; X.Turdibekov - Toshkent davlat iqtisodiyot universiteti Samarqand filiali direktorining yoshlar masalalalari va maʼnaviy maʼrifiy ishlari bo'yicha direktor o'rinbosari; G.Kurbanov - TDIU SFning talabalar orasida ijtimoiy-maʼnaviy muhit barqarorligini taʼminlashga maʼsul bulgan direktor maslahatchisi, shuningdek, fakultet dekan va muovinlari, tyutorlar, 2-4 kurs talabalari ishtirok etdilar. 
 Tadbirni Toshkent davlat iqtisodiyot universiteti Samarqand filiali direktorining yoshlar masalalalari va maʼnaviy maʼrifiy ishlari bo'yicha direktor o'rinbosari X.I.Turdibekov kirish so'zi bilan ochib, mamlakatimizda yoshlarni vatanparvarlik, milliy anʼana va qadriyatlarimizga hurmat ruxida tarbiyalash, shuningdek ularni huquq va manfaatlarini himoya qilish borasida muayyan ishlar amalga oshirilayotganligini, kuni kecha Davlatimiz rahbari raisligida o'tkazilgan yig'ilishda ham yoshlar bilan ishlash- «hayot va mamot masalasi» ekanligi taʼkidlanib, yoshlar bilan ishlashning alohida yangi tizimi belgilab berilganligini, yoshlar tarbiyasi va ongida tahdidlar tobora kuchayib borayotganligi taʼkidlanganligini, yoshlar bilan ishlashda huquqiy savodxonlikni oshirish uchun tashrif buyurgan huquqni muhofaza qiluvchi idoralar vakillariga minnatdorchilik bildirib, dastlab so'zni Samarqand viloyati IIB Tergov Boshqarmasi katta tergovchisi S.Sobirovga berdilar. Samarqand viloyati IIB Tergov Boshqarmasi katta tergovchisi S.Sobirov o'z so'zida odam savdosi bilan shug'ullanish uchun Jinoyat kodeksining 135-moddasida javobgarlik ko'zda tutilganligini, odam savdosi bilan bog'lik holatlarda insonni o'g'irlash, zo'rlik ishlatish, majburlash bilan sodir etilsa, og'irlashtiruvchi holatlar kuchayishini, O'zbekistonda «Odam savdosiga qarshi kurashish to'g'risida» qonun mavjud bo'lib, unda barcha huquqiy idoralar va davlat tashkilotlarining vakolatlari belgilab berilganligini bildirib o'tdi.
 So'zga chiqqan Samarqand viloyati IIB Odam savdosiga qarshi kurashish boshqarmasi xodimi T.Elbaev talabalarga odam savdosi avvalo qonunchilik nuqtai nazaridan olib qaralganda, kuch ishlatish bilan qo'rqitib, ularni majburlash orqali erksiz holatda majburiy mehnatda, qulchilikka o'xshagan formada foydalanish, ayollardan shaxvoniy va boshqa maqsadlarda foydalanish, shuningdek insonning tana to'qima aʼzolarini olishni anglatishini maʼlum qilib utdi. Maʼruzachi odam savdosidan jabr kurganlar uchun yurtimizda alohida eʼtibor qaratilib kelinayotganligini, tibbiy ko'[makka va huquqiy yordamga muhtojlarga barcha yordam ko'rsatib kelinayotganligini, qonunchilik bo'yicha aybdorlarga chora ko'rilayotganligini, bu transmilliy jinoyat hisoblanganligi uchun O'zbekiston davlati boshqa davlatlar bilan xalkaro hamkorlikni amalga oshirishib kelayotganligini taʼkidlab o'tdi. Ichki ishlar idoralarining ijtimoiy tarmoqlarda mavjud rasmiy nashrlaridan yanada batafsil maʼlumot olish mumkinligi taʼkidlab o'tildi. 
 Navbatda so'zga chiqqan Samarqand viloyati IIB Terrorizmga qarshi kurash boshqarmasi xodimi F.Mamatkulov ekstremizm va terrorizm alohida mamlakatlarning milliy xavfsizligiga va umuman jahon xhmjamiyatiga jiddiy xavf ekanligini, axolini, ayniqsa yoshlarni ularning taʼsiriga tushib qolishiga yo'l qo'ymaslik, internet orqali targ'ib qilinayotgan turli g'oyaviy va axborot xurujlardan himoya qilish bo'yicha o'z maslaxatlarini berib, yurtimizda bilim olish uchun yaratilgan sharoitlardan maqsadli foydalanish kerakligini, diniy mazmundagi turli rolik va «nashida» ko'rinishidagi musiqalardan extiyot bulib, ularni tarqatmaslikni, yoki o'z munosabatini bildirib «layk» bosmaslikni, bu amaldagi qonunchilik bo'yicha javobgarlikni keltirib chiqarishi mumkinligini bildirib o'tdi. Diniy tushuncha olish uchun O'zbekiston musulmonlari idorasining rasmiy sayt va ijtimoiy tarmoqlar «muslim.uz», «islom.uz» va boshqalardan foydalanish kerakligini, o'qish joylarida diniy amallarni bajarish mumkin emasligini bildirib o'tdi.
 Navbatda so'zga chiqqan Samarqand viloyati IIB Terrorizmga qarshi kurash boshqarmasi xodimi S.Shamsiev diniy ekstremizm va aqidaparstlik g'oyalarini targ'ib qilish, «xijratga» va «jihodga» daʼvat qilish maqsadida ijtimoiy tarmoqlarda vatanimizga xorijga ketib, shunday oqimlarga qo'shilib ketgan «Sodiq Samarqandiy», «Аbdullo Zufar» va boshqa terroristik oqim rahnomolarining maʼruzalari, kitoblaridan foydalanib kelinayotganligini, ularning taʼsiriga tushmaslik uchun ularning maruzalarini yuklab olmaslik va tarqatmaslik, mutaassiblik va aqidaparastlik ruxidagi maʼlumotlarni bilib-bilmay yuklab olish, saqlash va boshqa shaxslarga tarqatish O'zbekiston Respublikasi Maʼmuriy javobgarlik toʼgʼrisidagi Kodeksining 1842-moddasiga muvofiq, shuningdek Jinoyat Kodeksining 2441-moddasiga koʼra “Diniy-ekstremizm, separatizm va aqidaparastlik gʼoyalari bilan yoʼgʼrilgan, qirgʼin solishga yoki fuqarolarni zoʼrlik bilan koʼchirib yuborishga daʼvat etadigan yoxud aholi orasida vahima chiqarishga qaratilgan materiallarni tayyorlash yoki ularni tarqatish maqsadida saqlash, shuningdek, diniy-ekstremistik, terrorchilik tashkilotlarining atributlarini yoki ramziy belgilarini tarqatish yoxud namoyish etish maqsadida tayyorlash, saqlash” eng kam ish haqining uch yuz baravaridan toʼrt yuz baravarigacha miqdorda jarima yoki olti oygacha qamoq yoki uch yildan besh yilgacha ozodlikni cheklash yoki uch yildan besh yilgacha ozodlikdan mahrum qilish bilan jazolanishi belgilab qoʼyilganligini, ehtiyoj tugʼilgan diniy mavzudagi maʼlumotlarni faqat “uz” domenida rasmiy faoliyat olib borayotgan davlat va diniy tashkilotlar saytlaridan olish kerakligini taʼkidlab, diniy-ekstremizm va terrorizmga qarshi kurashda barcha o'z maʼsuliyatini tushunishi kerakligini taʼkidlab o'tdi. 
 Tadbirda: so'z berilgan TDIU SFning talabalar orasida ijtimoiy- maʼnaviy muhit barqarorligini taʼminlashga maʼsul bulgan direktor maslahatchisi G.Kurbanov yuqorida maʼruzachilar tomonidan ko'tarilgan odam savdosi, shuningdek terrorizm va ekstremizm global muammolardan ekanligini, bu ikkala jinoiy ko'rinishlar ham inson hayoti, erkinligini va huquqlariga qarshi qaratilganligini, odam savdosi qurboniga aylanayotganlar, shuningdek terroristik guruhlarga qo'shilib qolayotgan fuqarolarning aksariyati yoshlar bo'lib, o'zlarining soddaligi, befarqligi va loqaydligi natijasida ko'shilib qolayotganligini taʼkidlab o'tdi. O'zbekiston huquqiy davlat sifatida «Inson huquqlari» umumjahon deklaratsiyasini eʼtirof etishini, qonun jihatidan bunday toifadagi jinoyatlar sodir etganlarga jazo muqarrarligi belgilanganligini, hozirda ogohlik davr talabi ekanligini, talabalar bu turdagi jinoyatlar haqida o'z huquqiy ongi va madaniyati oshirib borish kerakligini bildirib o'tdi.
 Yig'ilish davomida talabalarga IIB xodimlari tomonidan internetdagi tahdidlardan, zamonaviy tahdidlardan ogoh bo'lish bo'yicha tayyorlangan bukletlar tarqatildi, talabalarni qiziktiruvchi savollarlga ichki ishlar xodimlari tomonidan javob berildi. Shuningdek maxsus tayyorlangan diniy ekstremistik va terroristik oqimlarga karshi kurashish mavzusidagi «Soxta daʼvolar» nomli videofilm namoyish qilindi.
 Shundan so'ng, tadbir profilaktik yig'ilish yakuni buyicha Toshkent davlat iqtisodiyot universiteti Samarkand filiali direktorining yoshlar masalalalari va maʼnaviy maʼrifiy ishlari bo'yicha direktor o'rinbosari X.I.Turdibekov profilaktik yig'ilish davomida bildirilgan maʼlumotlarni umumlashtirib, Samarqand viloyati IIB maʼsul xodimlarining odam savdosiga qarshi kurash, terrorizm va ekstremizmga qarshi kurashdagi olib borayotgan sharafli ishlari uchun minnatdorchilik bildirib, ularning maʼruzalaridan talaba yoshlar o'zlariga kerakli xulosalarni chiqarib olganlarini, yurtimizdagi hukm surayotgan tinchlik va barqarorlik sharoitida talaba yoshlarga barcha shart-sharoitlar yaratilganligini, ota-bobolarimizdan kelayotgan muqaddas islom diniga buzg'unchilik niyatida taʼsir o'tkazmokchi bo'lgan kuchlardan himoya qilish, yoshlarning ongiga, taʼlim sohasiga kiritishini oldini olish, izchillik va murosasizlik bilan befarqlik bilan qaramasdan, har bir talaba yot g'oyalarga keskin kurashish kerakligini, TDIU SFda ham mafkuraviy xavf-xatarga qarshi ishlar qatʼiy davom ettirilishini bildirib, yig'ilishni yakunladi.