Delegatsiyamiz “HK Scan Latvija” goʻshtni qayta ishlash kompaniyasi va  „Līcīši”  echkichilik ishlab chiqarish va qayta ishlash koʻp tarmoqli fermer xoʻjaligida boʻlishdi.
2023-yil 14-aprel kuni filial delegatsiyasi ikki guruhga boʻlingan holda - “HK Scan Latvija” goʻshtni qayta ishlash kompaniyasi hamda  „Līcīši”  echkichilik ishlab chiqarish va qayta ishlash koʻp tarmoqli fermer xoʻjaligida boʻlishdi.
“HK Scan Latvija” goʻshtni qayta ishlash kompaniyasi 1992 yilda tashkil etilgan. 
„Līcīši”  echkichilik ishlab chiqarish va qayta ishlash koʻp tarmoqli fermer xoʻjaligi 1991 yilda tashkil etilgan boʻlib, Sobiq Ittifoq tugatilgach, fermerning bobosidan meros sifatida qolgan yer qaytarib berilishi hisobiga tashkil etilgan, xoʻjalikda mehnat resurslari 3 kishi, yer maydoni 70 ga boʻlib, 200 boshdan ziyod zotli echkilar parvarishlashadi. Echkichilikka fermerning farzandi allergiya sabab, echki sutiga muhtoj boʻlib qolgani sabab, qiziqish paydo boʻlgan. Echkilar Chexiya va Germaniyadan keltirilgan. 2018 yilda fermerdan xoʻjalikka rahbarlikni qizi qabul qilib olgach, hukumat yosh tadbirkorlarni qoʻllab-quvvatlash uchun 40 ming yevro subsidiya bergach, bu mablagʻ moddiy ta’minotni yaxshilashga sarflangan. Natijada xoʻjalik faqatgina sut yetishtirmasdan, 10 dan ortiq qayta ishlangan mahsulotlar ishlab chiqaradi, qo’shimcha boshqa xoʻjaliklardan sut xarid ham qiladi. 
Xoʻjalikda agroturizm ham rivojlangan va katta daromad keltiradi. Riga shahri 30 km uzoqlikda joylashgani sabab, sayyohlik firmalari shartnoma asosida sayyohlar olib kelishadi. Bunda 1 sayyoh 6 yevro toʻlov qiladi. Xoʻjalikka hattoki AQShdan ham sayyohlar tashrif buyurishgan. Sayyohlar Internet-reklamalar orqali ham jalb etiladi. Ayniqsa, “Kim qishloqqa bozor qilgani borishni istaydi?” aksiyasi orqali tashkil etiladigan avtobuslar orqali ham oʻz mahsulotlarini xoʻjalikda sotishni yoʻlga qoʻygan.  
Xoʻjalik oʻz oʻrmonlarida oʻsgan daraxtlar barglari, turli oʻt-oʻlanlardan turli choylar, daraxtlardan sharbatlar olishadi va ular ham sotiladi. Xoʻjalik nima topsa, hammasini qayta ishlaydi.
Xoʻjalikda barcha mahsulotlar sertifikatlangan bio-mahsulot hisoblanadi. Xoʻjalik mahsulot tayyorlashda faqat Germaniya kompaniyalari bilangina raqobatlashadi.