Filialimiz xorijdagi delegatsiyasi Latviya amaliy fanlar va texnologiyalar universiteti (LLU)ning “Vecauce” oʻquv-tajriba xoʻjaligi faoliyati bilan tanishdi.
2023 yil 13-aprel kuni filial delegatsiyasi Latviya amaliy fanlar va texnologiyalar universiteti (LLU)ning “Vecauce” oʻquv-tajriba xoʻjaligi faoliyati bilan tanishdi.
Xoʻjalik Universitetdan 70 km uzoqlikda joylashgan boʻlib, 100 kishilik ishchilari, 2000 ga yer maydoniga ega, unda 1200 bosh qoramol, shu jumladan, 600 bosh sogʻin sigir va oʻstiruvdagi yosh mollarga ega. Xoʻjalikda Holshteyn, Shved, Latish burasi kabi qoramol zotlar yetishtiriladi. Chorvachilik toʻliq robotomexanizatsiyalshgan boʻlib, qoʻl mehnatidan foydalanmaydi. Sogʻuv jarayonini DeLaval robotlari olib borishadi. Qoramollar uchun passport tizimi joriy etilib, hamma ma’lumotlari kompyuterda jamlanadi. Oʻrtacha sut sogʻish 40 litr/bosh boʻlib, rekord 80 litr/boshni tashkil etgan. Sogʻib olingan kunlik 20 tonna sut darhol laboratoriya tekshiruvidan oʻtkaziladi va Litvaga sotiladi. Bunda oziq-ovqat xavfsizligiga maksimal darajada rioya qilinadi.
Xoʻjalikda bogʻlar, asalari, oʻsimlikchilik (yem-xashak) faoliyati yer maydoni mavjud. Xoʻjalikda biogaz va elektr energiyasi ham ishlab chiqariladi.
Xoʻjalikka universitet tadqiqotchilari, talabalari, shartnoma asosida boshqa ta’lim muassasalaridan amaliyotga kelishadi. Amaliyotda nafaqat qishloq xoʻjaligi yoʻnalishlari talabalari, boshqa yoʻnalishlarda axborot texnologiyalari yoʻnalishlari talabalari ham kelishadi va ular robotlarni ishlab chiqarishga joriy qilish borasida tadqiqotlar olib borishadi.
Xoʻjalik yutugʻiga yuqori malakali professional zootexniklar, injenerlar oʻz hissasini qoʻshishgan boʻlishsa, dalada agronomlar doimiy tuproq tarkibini oʻrganib, kerakli organik yoki kimyoviy moddalarni berib hosldorlikni yuqori darajada saqlab turishadi.
Xoʻjalik idorasi oʻtgan zamonlarda Gersoglar qasri boʻlib, hozirgi zamonda bir qismi muzey, restoran va toʻylar oʻtkazish manziliga aylantirilgani holda qoʻshimcha daromad olinmoqda.
Eʻtiborli jihati, xoʻjalik Amaliyotga kelgan talabalarning yashash xarajatlarini toʻliq qoplab beradi.
