Toshkent davlat iqtisodiyot universiteti Samarqand filialida ilmiy kengash oʻtkazildi.
15-aprel kuni Toshkent davlat iqtisodiyot universiteti Samarqand filiali "Oziq-ovqat va qishloq xoʻjalik iqtisodiyoti" kafedrasi va “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti bilan hamkorlikda ilmiy kengash oʻtkazildi.  Andijon qishloq xoʻjaligi va agrotexnologiyalar instituti mustaqil tadqiqotchisi Raxmonova Barno Soxibjonovna tomonidan 08.00.04 –“Qishloq xoʻjaligi iqtisodiyoti” ixtisosligi boʻyicha “Yongʻoq yetishtirishning tashkiliy-iqtisodiy asoslarini takomillashtirish”  mavzusidagi iqtisodiyot fanlari boʻyicha falsafa doktori (PhD) ilmiy darajasini olish uchun dissertatsiyasi va avtoreferati muhokamasi boʻlib oʻtdi. Kengashda kafedra aʼzolari va dissertatsiya ishiga taqriz bergan professor-oʻqituvchilardan I.Gʻaniyev va F.Ahrorovlar ishtirok etishdi va ijobiy xulosa berishdi. Dissertant ishi kafedra muhokamasidan ijobiy natija bilan bir ovozdan himoyaga tavsiya etildi.