Filial delegatsiyasi xorijiy hamkor universitetiga safarining keyingi kunida laboratoriya mashg‘ulotlari bilan tanishishdi.
Toshkent davlat iqtisodiyot universiteti Samarqand filiali delegatsiyasi Latviya amaliy fanlar va texnologiyalar universitetiga safarining keyingi kunini laboratoriya mashg‘ulotlari bilan tanishishdan boshlashdi. 
LLU professori J.Zagorska seminar davomida oziq-ovqat xavfsizligini ta'minlashda tadqiqotlarning o‘rni, tadqiqotlar olib borish uchun darstlabki materiallar tanlashda nimalarga e'tibor qaratish, tarkibdagi moddalar salmog‘i hisobini to‘g‘ri olib borish bo'yicha; laboratoriyada esa oziq-ovqat mahsulotlarini ishlab chiqarish, qadoqlash, tarkibini tahlil qilish, sensorli laboratoriyadan o‘tkazish bo‘yicha amaliy mashg‘ulotlar olib bordi. 
Shuningdek, ishtirokchilar 3 guruhga bo‘lingan holda o‘zlari hisob-kitob qilgan masalliqlar miqdori asosida muzqaymoq tayyorlashni o‘rgandilar. 
LLU professori Sanita Sazonova tomonidan delegatsiyasi a'zolariga oziq-ovqat xavfsizligini ta'minlashda sanitariya-gigiyena qoidalariga rioya etish jarayonini, tayyorlangan muzqaymoqlar tarkibini tahlil qilish, sifatini laboratoriya tekshiruvidan o‘tkazish jarayoni bo‘yicha mashg‘ulotlar o‘tkazildi. 
O'tkazilgan amaliy darslar mamlakat aholisi uchun oziq-ovqat xavfsizligini ta'minlash va sifatini oshirish borasida zarur ekanligi e'tiborga olindi.