Filial xorijdagi delegatsiyasi Latviya amaliy fanlar va texnologiyalar universiteti "Oziq-ovqat texnologiyalari" fakultetida boʻlishdi.
 

Yevropa Ittifoqi Erasmus+ dasturi AgroDev loyihasi doirasida Latviya amaliy fanlar va texnologiyalar universiteti (LLU)da malaka oshirishda qatnashayotgan TDIU Samarqand filiali professor-o‘qituvchilari: “Buxgalteriya hisobi, soliq va moliya” kafedrasi dotsenti, PhD M.Mardonov, katta o‘qituvchi D.Vafoxojayeva, “Oziq-ovqat va qishloq xo’jalik iqtisodiyoti” kafedrasi katta o‘qituvchisi, PhD G‘.Ibragimov, Xorijiy OTMlar bilan hamkorlikda qo‘shma ta’lim dasturlarini muvofiqlashtirish koordinatori Sh.Yuldashev va doktorant I.Baymuradova shuningdek loyiha a’zosi Sh.Ishniyazovalar  2023 yil 11 aprel kuni Universitetning Oziq-ovqat texnologiyalari fakultetida boʻlishdi. Tashrif davomida delegatsiya aʼzolari “Oziq-ovqat sanoati va tadqiqotlarida yangi yoʻnalishlar” mavzusidagi maʼruza va amaliy mashgʻulot darslarida qatnashishdi. 

Unda LLU professorlari D.Klava, J.Zagorska va S.Sazonovalar tomonidan maʼruza darsida mamlakatda oziq-ovqat xavfsizligini taʼminlashda innovatsiyalarning ahamiyati, turlari va ularni shakllantirish, tadqiqotlarni qanday qilib innovatsiyalarga bogʻlash lozimligi, innovatsiyaviy tadqiqotlarda yangi yoʻnalishlar hozirda nimalarga bogʻliq boʻlayotganligi, bu jarayonda gʻoya qanday shakllantirilishi kerakligi, unda marketing tadqiqotlariga qanday eʼtibor qaratilishi, dunyoda rivojlangan mamlakatlar aholisi isteʼmol qilayotgan oziq-ovqat mahsulotlarini bizning yurtimizga qanday joriy qilish masalalalari koʻrib chiqildi. 
Amaliy mashgʻulot darsida esa guruhlarga boʻlingan holda maʼruzada olingan yangi maʼlumotlar amaliyotga qanday joriy etilishi sinab koʻrildi. Darslar qiziqarli va munozaralarga boy oʻtdi. 
Delagatsiya aʼzolarining safari 23 aprelga qadar davom etadi.