Oliy ta’lim, fan va innovatsiyalar vazirligi, Yoshlar siyosati va sport vazirligi, Kambag‘allikni qisqartirish va bandlik vazirligi hamkorlikda 2023-yil 10-aprel kuni Samarqand shahridagi Yoshlar Markazida  “Ta’lim va Kasb-2023”  XXIII Xalqaro ko‘rgazmasi tashkil etdi. Ko‘rgazmaning maqsadi yoshlarning chet elda o‘qishga bo‘lgan qiziqishini qo‘llab-quvvatlash va ularga kelajakdagi muvaffaqiyatli karyera garovi bo‘lgan to‘g‘ri ta’limni topishga yordam berishga qaratilgan. Unda butun dunyodan 30 dan ortiq oliy ta’lim muassasalari, jumladan Rossiya, Belarus, Qozog'iston, Litva, Turkiya, AQSh va Kipr va boshqa davlatlardan oliy ta’lim muassasalari ishtirok etishdi. Ko’rgazmada filial marketing va talabalar amaliyoti bo’limi xodimlari, ta’lim-tarbiya maslahatchilari, 4-bosqich ORI-119 va  QXI-119 guruhi talabalari hamda  ularga biriktirilgan guruh rahbarlari ishtirok etishdi. Tadbir davomida abituriyentlar va ularning ota-onalari oliy ta’lim mutasaddilaridan individual maslahatlar oldilar, o'zlariga mos yo'nalishlarni tanlash, o'qishga kirish, ta'lim sifati va talabalar hayoti taʼlim sohasidagi soʻnggi tendensiyalar va ishlanmalar haqida foydali va o’zlari uchun kerakli  maʼlumotlarga ega bo'ldilar.