Toshkent davlat iqtisodiyot universiteti Samarqand filialida "Kitobxonlik haftaligi" tashkil etildi.

2023 yil 3-8 aprel kunlari TDIU  Samarqand filiali Axborot-resurs markazida ''Kitobxonlik haftaligi'' bo‘lib o‘tdi. Haftalik davomida filial professor-o‘qituvchilari tomonidan nashr etilgan darslik, o‘quv qo‘llanmalar, filial Axborot-resurs markaziga keltirilgan o‘quv adabiyotlar, yangi badiiy adabiyotlar, QR kodli adabiyotlarni ko‘rgazmalari tashkil etildi. Haftalik davomida ''Kitob yarmarkasi'' tashkil etildi. Yarmarkada filial professor-o‘qituvchilar, xodimlar, talabalar faol qatnashishdi. Haftalikni 5-kuni Samarqand shahar Damir Salimov nomidagi 20-umumta'lim maktabi bilan birgalikda tadbir tashkillashtirildi. Tadbirni filial direktori professor O.Murtazayev ochib berdi. Tadbirda  ''Raqamli iqtisod'' yunalishi 120-guruh talabasi N.Qarshiboeva tomonidan ''Yulduzli tunlar'' kitobini taqdimoti hamda maktab o‘quvchilari tomonidan she'rlar aytildi. Tadbirda turli naminasiyalar bo‘yicha bellashuv tashkil etildi. Tadbir so‘ngida g‘olib bo‘lgan o‘quvchilarga naminasiyali diplom, badiiy kitoblar hamda filial ramzi tushirilgan esdalik sovg‘alar topshirildi.
Haftalikda faol qatnashgan hammaga ARM rahbari J. Islomova o‘z minnatdorchiligi bildiradi.