TDIU Samarqand filialida "Universiada 2022" sport musobaqalarining viloyat bosqichi final o’yinlari o’tkazildi.
 O‘zbekiston Respublikasi Vazirlar Mahkamasining 2022-yil 25-iyuldagi “Oliy ta’lim muassasalari talabalari o‘rtasida “Universiada-2022” sport musobaqalarining Respublika final bosqichlarini o‘tkazishga tayyorgarlik ko‘rish to‘g‘risida”gi 167-son bayoniga asosan 2023-yil 6-aprel kuni "Universiada 2022" sport musobaqalarining 2-bosqichi Samarqand viloyatidagi barcha oliy ta’lim muassasalarida tahsil olayotgan talabalar o‘rtasida "Workout" sport musobaqasi Toshkent davlat iqtisodiyot universiteti Samarqand filiali sport maydonida bo‘lib o‘tdi. Bu musobaqada Samarqand viloyatidagi barcha oliy ta’lim muassasalari jamoalari faol ishtirok etishdi. Qizg’in bahslarga boy o’tgan ushbu musobaqada quyidagi jamoalar munosib tarzda faxrli o’rinlarni egallab Respublika bosqichiga yo’llanmani qo’lga kiritishdi:
1-o’rin – Sharof Rashidov nomidagi Samarqand davlat universiteti jamoasi
2-o’rin – Samarqand davlat tibbiyot universiteti jamoasi
3-o’rin – Toshkent davlat iqtisodiyot universiteti Samarqand filiali jamoasi

Ushbu musobaqada qatnashgan barcha jamoalarga omad tilaymiz.