Innovatsion rivojlanish agentligi "Olima ayollar" tashabbuskor amaliy va innovatsion loyihalar tanlovini e'lon qiladi.
Tanlov O'zbekiston Respublikasi Prezidentining "Oila va xotin-qizlarni tizimli qo'llab-quvvatlashga doir ishlarni yanada jadallashtirish chora tadbirlari to'g'risida" 2022-yil 7-martdagi PF-87-son Farmonining 5.2-bandida belgilangan ustuvor vazifalar doirasida Kambag'allikni qisqartirish va bandlik vazirligi huzuridagi Oila va xotin qizlar qo'mitasi bilan birgalikda tashkil qilinmoqda.
Respublikamizda xotin-qizlarni ilm fanga keng jalb qilish, fan-ta'lim va iqtisodiyotning turli sohalarida ilmiy faoliyat bilan shug'ullanayotgan xotin-qizlarning ilmiy g'oya va ishlanmalarini har tomonlama qo'llab-quvvatlash maqsadida, shuningdek, boshqa bir qator muhim masalalarni hal qilishga qaratilgan ushbu tanlov tashkil qilinmoqda.
Tanlovda ishtirok etish istagida bo'lgan xotin-qizlar, quyida ilova qilinadigan hujjatda keltirilgan yo'nalishlar bo'yicha o'z loyihalarini 2023-yil 5-mayiga qadar www.grant.mininnovation.uz saytiga yuklashlari lozim.
Tanlov haqida batafsil ma'lumotni quyidagi jadvaldagi ilova orqali yuklab olishingiz mumkin: