Toshkent davlat iqtisodiyot universiteti Samarqand filiali direktori, professor O. Murtazayev bilan talaba-yoshlar o'rtasida "Direktor va yoshlar" nomli uchrashuv tashkil qilindi.
2023-yil 5-aprel kuni Toshkent davlat iqtisodiyot universiteti Samarqand filialida direktor va talaba-yoshlar o'rtasida uchrashuv tashkil etildi. Tadbirda  filial direktori, professor O. Murtazayev, yoshlar masalalari va ma’naviy-ma’rifiy ishlar bo‘yicha direktorning birinchi o’rinbosari H. Turdibekov, Ilmiy ishlar va innovatsiyalar bo‘yicha direktor o‘rinbosari Z.Abdullayev, "Komplayens nazorati" bo'lim boshlig'i A. Axmedov, filial yuristi M.Xolmatov, "Iqtisodiyot" fakulteti dekan o'rinbosarlari, ta’lim-tarbiya maslahatchilari va 3-bosqich Raqamli iqtisodiyot hamda Buxgalteriya hisobi va audit ta’lim yo’nalishi talabalari ishtirok etishdi. Ochiq muloqot tarzida tashkil etilgan ushbu uchrashuvda talabalarni qiynayotgan masalalar va ularning yechimlari xususida so‘z yuritildi. Shuningdek talabalarni ta’lim va tarbiya olishlari uchun yaratilgan barcha shart-sharoitlar, kredit-modul tizimi, startup loyihalar, mutaxassislik fanlaridan o‘qitish tizimi ayrim fanlardan ingliz tilida olib borilayotganligi, talabalarning xorijiy o‘quv yurtlarida tahsil olishi yoki amaliyot o’tashlari uchun yaratilgan imkoniyatlar, qanday muammolarni bartaraf etish xususida ham fikr almashildi. Talabalar tomonidan filial faoliyati, shuningdek, ta’lim sohasiga tegishli qator takliflar bildirildi.