Toshkent davlat iqtisodiyot universiteti Samarqand filialida “Workout” sport musobaqasi tashkil etildi.
2023-yil 3-4 aprel kunlari talabalar bo’sh vaqtlarini mazmunli o‘tkazish va ularni  ommaviy sport turlariga keng jalb qilish maqsadida  filial sport maydonida talabalar oʼrtasida “Workout” sport turidan “Universiada-2022” sport musobaqasida filial bosqichi boʼlib oʼtdi. Musobaqa  43 nafar filial talaba o’g’il  va qizlar ishtirok etishdi. Ishtirokchilar 4-bosqichda ya’ni turnikda tortinish, brusyada qoʼllarni bukib yozish, yerda qoʼllarni bukib yozish (otjimaniya),  turgan joyida oʼtirib turish (prisedaniya)  turlari bo’yicha kuch sinashishdi. Qiziqarli, bahs-munozaralarga boy va murosasiz ravishda bo'lib o'tgan musobaqa natijalariga ko’ra “Workout” musobaqasi g‘olibi aniqlandi. Usmirlar o’rtasida   1-o’rinni SA-122 guruhi talabasi Abdusamadov Maxmud Olimjon o’g’li, 2-o’rinni BI-222 guruhi talabasi Beknazarov Islombek  Nazirjon o’g’li va 3-o’rinni AIF-119 guruhi talabasi Xusenov Shaxzod Fazliddin o’g’li va BI-122 guruhi talabasi Suyunov Samandan Sharofiddin o’g’li hamda qizlar o’rtasida 1-o’rinni AIF-122 guruhi talabasi  Qurbonova Malika  Maxmud qizi, 2-o’rinni ORI-222 guruhi talabasi Qodirova Manzura Yaxyo qizi, 3-o’rinni QXI-122 guruhi talabasi Xudaynazarova Yulduz Xoshim qizi va BX-220 guruhi talabasi  Asatova Umida Faxriddin qizilar qo’lga kiritdi.  G'olib va sovrindorlarga filialimiz ma'muriyati tomonidan diplom va esdalik sovg'alari topshirildi