Toshkent davlat iqtisodiyot universiteti Samarqand filialiga Germaniyaning CBZ Bildungszentrum markazi xodimlari Annika Kohler va Shahzoda Ergashevalar tashrif buyurishdi.
Toshkent davlat iqtisodiyot universiteti Samarqand filialiga Germaniyaning CBZ Bildungszentrum markazi xodimlari Annika Kohler va Shahzoda Ergashevalar tashrif buyurishdi va ular ishtirokida qo'shma ta'lim dasturi va kunduzgi bo'lim talabalari bilan uchrashuv tashkil qilindi.
Uchrashuvda taqdimotchilar tomonidan markaz va u ko'rsatadigan xizmatlar haqida taqdimot qilindi. Germaniyada o'qish, yashash va ishlashni xohlovchi g‘ayratli va malakali yoshlarni qo'llab-quvvatlash orqali shaxsiy va mutaxassislik salohiyatini to‘liq professional darajada rivojlantirishni xohlovchi IT va iqtisodiyot sohasiga qiziquvchi talaba va yoshlarga bir qator takliflar berildi. Uchrashuv taqdimot va savol-javob tarzida o'tdi.
Markaz va TDIU Samarqand filiali o'rtasida hamkorlik aloqalarini o'rnatish bo'yicha kelishib olindi.
Sizni qiziqtirgan savollar bilan markaz sayti www.cbz-muenchen.de (https://www.cbz-muenchen.de/) va filialning xorijiy oliy ta’lim muassasalari bilan hamkorlikdagi qo‘shma ta’lim dasturlarini muvofiqlashtirish bo‘limiga murojaat qilishingiz mumkin.