Badminton sport turi bo'yicha "Universiada-2022" sport musobaqalarining respublika final bosqichi bo'lib o'tdi.
O‘zbekiston Respublikasi Vazirlar Mahkamasining 2022-yil 25-iyuldagi “Oliy ta’lim muassasalari talabalari o‘rtasida “Universiada-2022” sport musobaqalarining Respublika final bosqichlarini o‘tkazishga tayyorgarlik ko‘rish to‘g‘risida”gi 167-son bayoniga asosan joriy yil mart oyida Oliy ta'lim muassasalari o'rtasida o'tkazib kelinadigan "Universiada-2022" sport musobaqalarining badminton sport turi bo'yicha respublika final bosqichida Samarqand viloyati terma jamoasi ham faol ishtirok etdi. Samarqand viloyati terma jamoasini Toshkent davlat iqtisodiyot universiteti Samarqand filiali Sport klubi raisi o'rinbosari Shahriddin Mizomov delegatsiya rahbari sifatida boshlab bordi. Besh kun davom etgan ushbu murosasiz bahslarda Samarqand viloyati terma jamoasi ham munosib ishtirok etishdi hamda g'olib va sovrindorlar qatoridan joy olishdi.