Toshkent davlat iqtisodiyot universiteti Samarqand filialida “Favqulodda vaziyatlardan muhofaza qilish va fuqaro muhofazasi oyligi” munosabati bilan tadbir o‘tkazildi.
2023-yilning 10-mart kuni Toshkent davlat iqtisodiyot universiteti Samarqand filialida tadbir o‘tkazildi. Tadbirda Yoshlar masalalari va ma'naviy-ma'rifiy ishlar bo'yicha direktorning birinchi o'rinbosari X.I.Turdibekov, Samarqand viloyati Favqulodda vaziyatlar boshqarmasi Hayot faoliyati xavfsizligi o‘quv markazi o‘qituvchilari A.Turdiqulov, S. Adilov universitet rahbarlar tarkibi, ta’lim-tarbiya maslahatchilari, talabalari, ishchi-xodimlari hamda talabalar ishtirok etishdi. Ma’ruzachi o‘z chiqishida 2023-yilning 1-martdan 1-aprelgacha Respublika hududida o‘tkazilayotgan “Favqulodda vaziyatlardan muhofaza qilish va fuqaro muhofazasi oyligi” munosabati  bilan Toshkent davlat iqtisodiyot universiteti Samarqand filialida “Fuqaro muhofazasi” borasida ishlar amalga oshirilishi asosiy maqsad Favqulodda vaziyatlarning oldini olish va ularni bartaraf etish bo‘yicha Hukumat komissiyasi yig‘ilishining  joriy yilning 16-fevral  kuni tasdiqlangan 7-sonli bayoni hamda Samarqand viloyati hokimining joriy yilning 28-fevral kunidagi 01-7-03/05-sonli buyrug‘i asosida o‘tkazilayotganligi, oylik o‘tkazilishining sabablari, uning ahamiyati hamda oylik o‘tkazilishidan kuzlangan asosiy maqsad bo‘yicha atroflicha to‘xtalib, barcha tadbir ishtirokchilarini oylik davomida amalga oshiriladigan tadbirlarda faol ishtirok etishga choraladi. Shuningdek, A.Turdiqulov ma’ruzasida tadbir ishtirokchilariga 2023-yilning o‘tgan oylarida tabiiy ofatlar jumladan Respublikamiz hududlardagi Sel va kuchkilar hamda asr fojiasi deb nom olgan Turkiyadagi zilzila oqibatlari yuzasidan slayd materiallari orqali batafsil tushunchalar va tavsiyalar berdi. Shundan so‘ng, yig‘ilish raisi X.I.Turdibekov kun tartibidagi masala yuzasidan ma’ruza uchun so‘zni Samarqand viloyati Favqulodda vaziyatlar boshqarmasi Hayot faoliyati xavfsizligi o‘quv markazi o‘qituvchisi S.Adilovga berdi. Ma’ruzachi so‘zga chiqib, kun tartibidagi masalani muhimligi  va dolzarbligini aytib, “Favqulodda vaziyatlardan muhofaza qilish va fuqaro muhofazasi oyligi”  doirasida belgilangan tadbirlarni amalga oshirilishi nafaqat mutasaddi tashkilotlar xodimlari, qolaversa tadbirga jalb etilgan universitet rahbariyati, ishchi-xodimlarining o‘rni muhim ahamiyat kasb etishini aytib o‘tdi.Shuningdek, ma’ruzachi chiqishida talabalar o‘rtasida zilzilaga qadar, zilzila vaqtida va zilziladan so‘ng harakatlanish qoidalari” bo‘yicha slayd materiallari orqali seminar ishtirokchilariga ma’lumotlar berdi. Universitet direktorning birinchi o`rinbosari X.I.Turdibekov o‘zining chiqishida asosiy e’tiborni Turkiyada tabiiy ofatlar xususan Zilzila bilan bog‘liq favqulodda vaziyatlardan muhofazalanish yuzasidan universitet talabalariga tushuntirish ishlarini olib borish har bir talabalar yashash sharoitlaridan xabar olish, tushuntirish ishlarini olib borish bo‘yicha fakul’tet dekanlari va dekan o‘ribosarlariga va tyutorlarga topshiriqlar berib, ularni zilziladan muhofazalanish qoidalariga rioya etishlari, ular o‘rtasida oldini olish bo‘yicha tushuntirish ishlarini olib borish kerakligini takidlab o‘tdi. Tadbir so‘ngida kun tartibidagi masallar bo‘yicha tadbir ishtirokchilari tomonidan berilgan savollarga mutaxassislar tomonidan javoblar berilib, shuning bilan bir qatorda berilgan savollarning muhimligi va ahmiyatidan kelib chiqqan holda amalga oshirilishi lozim bo‘lgan tadbirlar yuzasidan tushunchalar, tavsiya va takliflar hamda ko‘rsatmalar berildi. Seminarda mutaxassislar tomonidan qilingan ma’ruzalar, universitet rahbariyati tomonidan quyilgan topshiriq va ko‘rsatmalar, professor-o‘qituvchilari, universitet tyutorlari hamda mas’ul xodimlar tomonidan berilgan savollarga javob berildi.