Toshkent davlat iqtisodiyot universiteti Samarqand filalida “Biz yoshlar – korrupsiyaga qarshimiz” mavzusidagi davra suhbati tashkil etildi.
2023-yil 10-mart kuni filialda “Biz yoshlar – korrupsiyaga qarshimiz” mavzusidagi davra suhbati tashkil etildi. “Komplayens” nazorat bo'limi bosh mutaxassisi - A.A.Axmedov, ijtimoiy-ma’naviy muhit barqarorligini ta’minlashga mas’ul bo’lgan direktor maslahatchisi- - G'.M.Qurbonov, ta’lim-tarbiya maslahatchilari va talaba yoshlar ishtirok etishdi. Davra suhbatida ta'lim sohasida O'zbekiston Respublikasining korrupsiyaga qarshi kurashish to'g'risidagi qonun hujjatlarida belgilangan vazifalarga muvofiq, korrupsiyaga oid huquqbuzarliklar sodir etilishining oldini olish, qonunchilik, xizmat intizomi, odob-axloq qoidalari va ichki tartib qoidalarga rioya etilishini ta'minlashga qaratilgan keng qamrovli tushuntirish va targ'ibot tadbirlari o'tkazilayotganligi aytib o'tildi. Shuningdek talaba yoshlarning huquqiy madaniyati va ongini yuksaltirishda korrupsiyaga oid jinoyatlarni sodir etganda javobgarlikning muqarraligi haqida tushunchaga ega bo'ldilar. Ma'ruzalardan so'ng talabalarga qisqa videorolik ko’rsatildi. Talabalarning qiziqtirgan barcha savollariga batafsil javob berib o’tildi.