Toshkent davlat iqtisodiyot universiteti Samarqand filialida Mustaqil O’zbekistonning BMTga a’zo bo’lganligini 31-yilligi munosabati bilan tadbir tashkil etildi.
2023-yil 2-mart kuni faollar zalida O’zbekistonning BMTga a’zo bo’lganligini 
31- yilligi munosabati bilan faollar zalida  tadbir o’tkazildi. 
Tadbirda  yoshlar masalalari va ma'naviy-ma'rifiy ishlar bo'yicha direktorning birinchi o'rinbosari X.I.Turdibekov, ijtimoiy-ma’naviy muhit barqarorligini ta’minlashga mas’ul bo’lgan direktor maslahatchisi G'.M.Qurbonov, “Tabiiy, ijtimoiy fanlar va jismoniy madaniyat” kafedrasi mudiri O‘.J.Xudayorov, ta’lim-tarbiya maslahatchilari va talaba yoshlar ishtirok etishdi.  Tadbir davomida O’. Xudayorov O’zbekiston BMTga  1992-yil 2-mart kuni a’zo bo’lganligi va 1993-yil 24-oktyabrda Toshkentda Xolid Malik boshchiligida BMTning vakolatxonasi ish boshlaganligi haqida to’xtalib o’tdi. Shunindek O’zbekistonning BMT bilan o’zaro  hamkorligining ustuvor yo’nalishlari sifatida mintaqaviy xavfsizlik, tahdidlarga qarshi kurashish, ekologik muammolarni bartaraf  etish,  fan va madaniyatni rivojlantirish, milliy an’analar,  millatlar oʻrtasida doʻstlik munosabatlarini rivojlantirishni, tarixiy shaxslar va me’moriy  yodgorliklarni asrash  qayta tiklash,  ularni umumbashariy  qadriyatlar  sifatida jahon sivilizatsiyasiga  qo’shgan  hissasini e’tirof  etish, iqtisodiy, ijtimoiy, madaniy muammolarni hal etishda xalqlar oʻrtasida hamkorlik boʻlishi kabi yo’nalishlarda han talabalarga tushuntirilib berildi. Tadbir davomida talabalar o’zlarini qiziqtirgan barcha savollarga atroflicha javob oldilar.