Toshkent davlat iqtisodiyot universiteti Samarqand filialida O’zLiDeP Samarqand viloyat kengashi mas’ul xodimlari bilan davra suhbati tashkil etildi.
2023-yil 2-mart kuni Toshkent davlat iqtisodiyot universiteti Samarqand filialida O’zLiDeP Samarqand shahar kengashi xodimlari  bilan davra suhbati tashkil etildi.  Tadbirda yoshlar masalalari va  ma’naviy-ma’rifiy ishlar bo‘yicha direktor o‘rinbosari X.I.Turdibekov, O’zLiDeP Samarqand viloyat bo’lim boshlig’i Sh. Ganiyev,  O’zLiDeP Samarqand shahar apparat rahbari F.G’aybullayev, professor-o’qituvchilar, ta’lim-tarbiya maslahatchilari hamda talabalar ishtirok etishdi.
  Tadbirda so’zga chiqqanlar mamlakatimizda huquqiy demokratik davlat va kuchli fuqarolik jamiyati barpo etish jarayoniga yoshlarni keng jalb etish, yurtimizning nufuzli oliy ta’lim muassasalari bilan partiyaning uzviy hamkorligini yo’lga qo’yish, O’zLiDeP viloyat va shahar Kengashlari Ijroiya apparatlariga siyosiy jihatdan yetuk, partiyaviy ishlarni tashkil etish masalalarida yetarli bilim va malakaga ega bo’lgan kadrlarni ishga qabul qilish uchun tanlash, ularni partiyaning amaldagi va istiqbolli kadrlar zahirasiga tavsiya etish, yoshlarni siyosiy tadbirlarga keng jalb etish borasida partiya Siyosiy Kengashi Ijroiya qo’mitasi tomonidan amalga oshirilayotgan ishlar bilan tanishtirishdi. Davra suhbatida  ishtirokchilar o‘zlarini qiziqtirgan barcha savollarga atroflicha javob olishdi.