Toshkent davlat iqtisodiyot universiteti Samarqand filialida “Ogohlik davr talabi” mavzusida tadbir tashkil etildi.
2023-yil 27-fevral kuni “Ogohlik davr talabi” mavzusida tadbir oʻtkazildi. Tadbirda filial yuriskonsulti M.M.Xolmatov, filial profilaktika inspektori D. Shodmonov, ta’lim-tarbiya maslahatchilari va talabalar ishtirok etishdi. Tadbir davomida talabalarga ommaviy kommunikatsiya texnologiyalarining shiddat bilan rivojlanib, internet tarmoqlaridagi xizmatlardan foydalanuvchilar orasida yoshlarning tobora ortib borishi, bu borada har birimizni yanada hushyorroq va ogoh bo‘lishi to’grisida garipib o’tildi. Shuningdek har bir narsani ijobiy va salbiy tomoni bo‘lganidek, ijtimoiy tarmoqlar ham yaxshilikka yoki yomonlikka xizmat qilishi mumkin. Yoshlarning vazifasi ezgu yo‘lda xizmat qildirish choralarini ko‘rish, uning zararlaridan cheklashga harakat qilishdir. Bugungi kunda yurtimizda va uzoq-yaqin mintaqalarda yuz berayotgan voqealarni inobatga oladigan bo‘lsak, hali ongi, hayotiy qarashlari shakllanib ulgurmagan yoshlarni chalg‘itishga qaratilgan g‘arazli kuchlar ham internet imkoniyatlaridan o‘z manfaatlari yo‘lida foydalanishga urinayotgani va bunday intilishlarning qanday salbiy oqibatlarga olib kelishi mumkinligini e’tibordan chetda qoldirib bo‘lmaydi. Yoshlarimizni mustaqil fikrlaydigan, oqni qoradan, do‘stni dushmandan ajratishga qodir bo‘lgan, iymon-e’tiqodli, milliy va umuminsoniy qadriyatlar ruhida tarbiyalab, boy tariximiz va ulug‘ ajdodlarimiz haqida ularning xabardorlik darajasini oshirishga e’tibor qaratmas ekanmiz, biz o‘zgalar tomonidan dinni targ‘ib qilish orqali terrorizm, ekstremizm, diniy adovat, oila institutiga bepisandlik, qonunchilikka va ko‘p asrlik milliy urf-odatlarimizga rioya qilmaslik kabi salbiy ta’sir ko‘rsatilishiga yo‘l qo‘yib va yoshlarimizning porlok kelajagiga putur yetkazishimiz mumkin. Xulosa qilib aytadigan bo‘lsak, bugungi kunda eng muhim vazifamiz o‘sib kelayotgan yosh avlodni diniy-milliy qadriyatlar asosida tarbiyalash, ular qalbida o‘z xalqi, vataniga mehr- sadoqat tuyg‘usini kuchaytirish, ularni har xil buzg‘unchi kuchlarning axborot xurujlaridan ogoh etish va munosib himoya qilish har birimizning ustuvor vazifamizdir. Shuning uchun doimo yon-atrofda sodir bo‘layotgan voqea-hodisalarga hushyorlik va ogohlik ko‘zi bilan boqib, jamiyat oldidagi omonatimizni ado etib borishi haqida tushunchalar berildi. Davra suhbatida ishtirokchilar o‘zlarini qiziqtirgan barcha savollarga atroflicha javob olishdi.
