Toshkent davlat iqtisodiyot universiteti Samarqand filialida shoirlar, yozuvchilar va madaniyat xodimlari bilan uchrashuvlar tashkil etildi.
 2023-yil 24-fevral kuni xalqimiz suygan shoirlar, yozuvchilar va madaniyat xodimlari bilan uchrashuvlar tashkil qilindi. Ushbu ijodiy uchrashuvda O’zbekiston yozuvchilar uyushmasining a’zolari Xosiyat Bobomurodova, O’zbekistonda xizmat ko’rsatgan madaniyat xodimi Ra’no Odilova va shoir Nurullayev Xurshid, ta’lim-tarbiya maslahatchilari va talabalar ishtirok etishdi. Talabalar ishtirok etgan shoirlarning ijodiy faoliyati bilan yaqindan tanishdilar. Uchrashuv davomida mehmonlar o‘zlarining ijod namunalaridan she’rlar o‘qib, barchani xushnud qilishdi. Jumladan  talabalarga o’zlarining Vatan, O’rtangan ko’ngil, Urf sherlaridan aytib hamda talabalarga o’qishlarida muvaffaqiyatlar tilab ko’proq kitoblar o’qishlikni ta’kidlab o’tdi. Talabalar o‘zlarini qiziqtirgan savollar bilan murojaat qildilar va yetarlicha javob oldilar.