Toshkent davlat iqtisodiyot universiteti Samarqand filiali “Change Academy” loyihasida jamoasi faol ishtirok etdi. 
2023-yil 23-fevral kuni “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universitetida Britaniya Kengashi (British Council) ning O‘zbekistondagi vakolatxonasi tomonidan tashkil etilgan “Oliy ta’lim tizimidagi islohotlar” dasturining “Change Academy” loyihasida Toshkent davlat iqtisodiyot universiteti Samarqand filiali jamoasi faol ishtirok etdi. 
Dastur doirasida tegishli oliy ta’lim muassasalaridan tashrif buyurgan ishtirokchilarga Advance HE ekspertlari – professor Eamonn Molloy va Jo Chafferlar tomonidan seminar-treninglar tashkil etildi. 
Filial professor-o‘qituvchilari –  I.G‘aniyev, Z.Abdullayev, G‘.Ibragimov, B.Rofiyeva, G.Ahmedovalar, tayanch doktorant I.Baymuradova, magistr J.Usmonqulov, bakalavriat talabasi N.Karshiboyevalar dastur davomida o‘zlarining “Ma’ruza darslari sifatini oshirishda samarali ta’lim usullaridan foydalanish” nomli loyihasini taqdim etishdi.  
Filial jamoasining loyihasidan kutilayotgan natijalar va oliy ta’lim sifatini oshirishdagi takliflari Britaniya Kengashi mutaxassislari tomonidan qiziqish bilan o‘rganildi hamda amaliy tavsiyalar berildi.