Toshkent davlat iqtisodiyot universiteti Samarqand filiali talabalari turizm haftaligida “Qatag‘on qurbonlari xotirasi muzeyi” ga tashrif buyurishdi.
O’zbekiston Respublikasi Prezidentining 2022-yil 30-apreldagi PQ-232-sonli qarori hamda O’zbekiston Respublikasi Vazirlar Mahkamasining 2022-yil 24-dekabrdagi “Yoshlar turizmi haftaligi doirasida tadbirlarni tashkil etish va o’tkazish to’g’risida”gi 130-sonli bayoni ijrosi yuzasidan 2023-yil 23-fevral kuni Toshkent davlat iqtisodiyot universiteti Samarqand filialining ta’lim-tarbiya maslahatchilari va ST-121 guruh talabalari bilan birgalikda Samarqand shahridagi Qatog’on qurbonlari muzeyiga tashrif buyurishdi. Bundan ko’zlangan asosiy maqsad talabalar Mahmudxo‘ja Behbudiy, Abdulqodir Shakuriy, Sadriddin Ayniy, Saidahmadxo‘ja Siddiqiy Ajziy, Hoji Muin Shukrullo o‘g‘li, Saidrizo Alizoda va boshqa ma’rifatparvar, xalqparvar ajdodlarimizning el-yurt ozodligi, xalqni ma’rifatli qilish borasidagi zahmatli mehnatlari haqida keng ma’lumotlarlarga ega bo’lishdan iborat. Talabalarga muzey to’g’risida to’liq ma`lumotlar berildi va xotira muzeyida mavjud bo’lgan bo’limlar bilan yaqindan tanishib chiqdilar. Talabalarda “Qatag‘on qurbonlari xotirasi muzeyi” katta taassurot qoldirdi.