Toshkent davlat iqtisodiyot universiteti Samarqand filialida "Komplayens nazorat" bo'limi tomonidan navbatdagi tadbir tashkil etildi.
Joriy yilning 15-fevral noyabr kuni filial sirtqi boʻlim 2-chi mutaxassislik 2 kurs - "Buxgalteriya hisobi va audit", "Bank ishi va audit", "Soliqlar va soliqqa tortish" taʼlim yoʻnalishi boʻyicha tahsil olayotgan talabalar bilan filial korrupsiyaga qarshi kurash “Komplayens nazorat” tizimini boshqarish boʻlimi bosh mutaxassisi A.A.Axmedov tadbir oʻtkazdi.
          Tadbirning asosiy maqsadi, oliy oʻquv yurti Kengashi tomonidan tasdiqlangan korrupsiyaga karshi kurashish DASTURi (siyosati), “Komplayens nazorat” tizimini yoʻlga qoʻyish boʻyicha meʼyoriy hujjatlar toʻplami bilan sirtqi boʻlim talabalarini tanishtirish boʻldi.   Xususan, filial rahbariyati va uning tarkibiy boʻlinmalarida korrupsiyaga qarshi murosasizlik munosabatini shakllantirish, korrupsiyaning oldini olish, huquqbuzarlikni oʻz vaqtida aniqlash, oldini olish, profilaktik tadbirlarni oʻtkazish, korrupsiyaviy huquqbuzarlikni sodir etganlik uchun javobgarlikning muqarrarligini taʼminlash ekanligi yigʻilish qatnashchilariga tushuntirildi.
                    Oʻtkazilgan yigʻilish  jarayonida  korrupsiya va taʼmagirlik kabi salbiy illatlarga yoʻl qoʻymaslik  hamda filialning korrupsiyaga qarshi kurash boʻlimining kanali,  ishonch telefonlari toʻgʻrisida maʼlumot  berildi.  Korrupsiyaning oldini olishga doir chora-tadbirlar, korrupsiyaga oid huquqbuzarliklarni aniqlash, ularga chek qoʻyish, javobgarlikning muqarrarligi kabi jihatlar toʻgʻrisida ham yigʻilish ishtirokchilariga batafsil tushuntirib oʻtildi. Tugʻilishi mumkin boʻlgan savollar bilan filialning korrupsiyaga qarshi kurash «Komplayens nazorat” boʻlimiga shaxsan, yoki anonim murojaat etishlari mumkinligi uqtirildi.