Bugun Samarqand shahridagi Alisher Navoiy nomli markaziy istirohat bog‘i ertalabdan davlat va jamoat tashkilotlari vakillari hamda filial professor-o‘qituvchilari, yozuvchilar, shoirlar, talaba va o‘quvchilar bilan gavjum bo‘ldi.
Buyuk mutafakkir tavalludining 582 yilligi munosabati bilan bog‘ markazida o‘rnatilgan Alisher Navoiy haykali poyida tadbir o‘tkazildi.
Unda buyuk bobokalonimizning hayoti, boy madaniy merosi va bugungi kunda yoshlar tarbiyasidagi o‘rni xususida fikr yuritildi. Hazrat Navoiy asarlari dunyo xalqlarining bebaho ma’naviy merosiga aylangani qayd etildi.
Tadbirda Navoiy siymosini aks ettiruvchi sahna ko‘rinishlari hamda talabalar tomonidan shoirning g‘azal va ruboiylaridan namunalar o‘qildi.
Tadbir so‘ngida TDIU SF jamoasi shoir haykali poyiga gullar qo‘yishdi.
