Toshkent davlat iqtisodiyot universiteti Samarqand filialida "Biz giyohvandlikka va OITS ga qarshimiz" mavzusida tadbir tashkil etildi.
Joriy yilning 8-kuni filial kutubxonasida yuqoridagi shior ostida davra suhbati tashkil etildi. Ushbu tadbirda TDIU Samarqand filiali rasmiylari, shuningdek, Respublika ixtisoslashtirilgan narkologik ilmiy markazi Samarqand viloyat mintaqaviy filiali narkolog shifokori - Mo'minov Jamshid Ilxomiddinovich, Samarqand viloyat Ichki ishlar boshqarmasi tergov boshqarmasi Giyohvadlik va uyushma jinoyatchilik tergov qilish boʻlimi boshligʻi, podpolkovnik Saidmurodov Faxriddin Baxriddinovich, Samarqand viloyat OITS ga qarshi kurashish markazi vrachi - Sulaymonova Dilnoza Baxromovna, talabalar hamda guruh tyutorlari ishtirok etishdi.
Tadbirning asosiy maqsadlari: Yoshlar o‘rtasida nazoratsizlik, qarovsizlik, huquqbuzarliklarni oldini olish, ularni salbiy ta’sirlardan saqlash, eng xavfli jinoyatlardan biri hisoblangan, insoniyat tomonidan “Asr vabosi” deb tan olingan giyohvandlik illatiga qarshi kurash, ayniqsa o‘sib kelayotgan yosh avlodni bu illat domiga tushib qolishlarini oldini olish kabi dolzarb masalalarni ko'tarib chiqish va tegishli xulosalar berish.

Afsuski, hozirgi kunda yoshlar orasida tarkibida giyohvandlik vositalari bo‘lgan psixafaol dori vositalarini iste’mol qilish holatlarining uchrab turishi hamda, yoshlarimizning ruxan va jismonan sog‘lom bo‘lib yetishishlari, zamonaviy bilim va kasbga ega bo‘lishlari uchun barcha shart-sharoitlar yaratilib berilgan bo‘lishiga qaramay narkotik moddalar bilan bog‘liq jinoyatlarni sodir qilishlari va giyohvandlik yo‘liga kirib ketayotganligi achinarli holdir.

Yoshlar o‘rtasida ushbu illatning tarqalishiga yo‘l qo‘ymaslik, giyohvandlik oqibatida sodir bo‘lishi mumkin bo‘lgan jinoyatlarning oldini olish maqsadida bugungi kunda oliy ta’lim muassasalarida ko‘plab tadbirlar amalga oshirilmoqda. Jumladan Toshkent davlat iqtisodiyot universiteti Samarqand filialida «Biz giyohvandlikka va OITSga qarshimiz» shiori ostida profilaktik tadbirlar o‘tkazilib kelinmoqda.

Albatta mana shunday tadbirlar, giyohvandlikning zararli oqibatlari haqidagi tushuntirish-targ‘ibot ishlarining ko‘plab o‘tkazilishi maqsadga muvofiqdir.