Toshkent davlat iqtisodiyot universiteti Samarqand filialida "Milliy tiklanish" demoktratik partiyasi Samarqand viloyat kengashi mas’ul xodimlari bilan yig'ilish tashkil etildi.
“Milliy tiklanish” Demokratik Partiyasi Samarqand viloyat kengashi mas’ul xodimlari  bilan davra suhbati tashkil etildi. 
2023-yil 3-fevral kuni Toshkent davlat iqtisodiyot universiteti Samarqand filialida “Milliy tiklanish” Demokratik Partiyasi Samarqand viloyat kengashi xodimlari  bilan davra suhbati tashkil etildi.  Tadbirda yoshlar masalalari va  ma’naviy-ma’rifiy ishlar bo‘yicha direktor o‘rinbosari X.I.Turdibekov, yoshlar masalalari va  ma’naviy-ma’rifiy ishlar bo‘yicha dekan o’rinbosari L.Eshonqulov, “Milliy tiklanish” Demokratik Partiyasi Samarqand viloyat kengashi rais o’rinbosari Yo.Q.Oqbutayev, ta’lim-tarbiya maslahatchilari va talabalar ishtirok etishdi. Tadbir davomida “O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga Murojaatnomasi”ning ahamiyati mazmun mohiyati to’g’risida to’xtalib o’tdi. Bundan tashqari O‘zbekiston “Milliy tiklanish” demokratik partiyasining asosiy maqsad-vazifasi milliy an’analarni va qadriyatlarni saqlash, huquqiy demokratik davlat va adolatli fuqarolik jamiyatini barpo etish, fan-texnika taraqqiyotini va O‘zbekistonning globallashib borayotgan jahonda munosib o‘rin egallashini ta’minlash, partiya mustaqillik yillarida boshlangan milliy qadriyatlarni tiklash, o‘zlikni anglash, milliy g‘oyalarni shakllantirish va milliy mustaqillik mafkurasini mustahkamlash, xalqning ma’naviy hayotida diniy an’analarni tiklash kabi xayrli ishlarni izchil, bosqichma-bosqich va tizimli ravishda davom ettirish to’g’risida ma’lumotlar berib o’rdi. Davra suhbatida  ishtirokchilar o‘zlarini qiziqtirgan barcha savollarga atroflicha javob olishdi.