Vazirlik tomonidan Prezident hamda nomdor davlat stipendiyalari g'oliblari aniqlandi.
Yuqorida xabar berganimizdek, 2022/2023-o‘quv yili uchun respublika oliy ta’lim muassasalari talabalari orasidan O‘zbekiston Respublikasi Prezidenti va nomli davlat stipendiyalariga nomzodlar e'lon qilindi.
Ushbu o‘quv yili uchun respublika oliy ta’lim muassasalari bakalavriat bosqichining 566 nafar talabasi O‘zbekiston Respublikasi Prezidenti va nomli davlat stipendiyalariga munosib ko‘rildi.
Shu jumladan, Toshkent davlat iqtisodiyot universiteti Samarqand filiali "Iqtisodiyot" fakulteti "Raqamli iqtisodiyot" yo'nalishi 3-bosqich talabasi Qarshiboyeva Nilufar Olim qizi nufuzli Navoiy nomli davlat stipendiyasi sohibasiga aylandi.
