Toshkent davlat iqtisodiyot universiteti Samarqand filialida “Korrupsiya taraqqiyot kushandasi” mavzusidagi davra suhbati bo'lib o'tdi.
Joriy yil 9-dekabr kuni filialda “9 dekabr - Xalqaro korrupsiyaga qarshi kurash kuni”ga bag'ishlab, “Korrupsiya taraqqiyot kushandasi”mavzusidagi davra suhbati tashkil etildi.
Tadbirda Samarqand viloyat IIB tashkiliy boshqarma boshlig'ining yuridik masalalar bo'yicha o'rinbosari, mayor M.Q.Kattakulov, Samarqand viloyat IIB tergov boshqarmasi tergovchisi kapitan I.T.Nabiev, filial komplaens nazorati bo'limi boshlig'i A.A.Axmedov, direktorning ma'naviy masalalar bo'yicha maslahatchisi G'.M.Qurbonov va talaba yoshlar ishtirok etishdi.
Tadbirni Yoshlar masalalari va ma'naviy-ma'rifiy ishlar bo'yicha direktorning birinchi o'rinbosari X.I.Turdibekov kirish so'zi bilan ochdi. Tadbir avvalida, Samarqand viloyat IIB xodimi, mayor M.Q.Kattakulov va kapitan I.T.Nabievlar yurtimizda korrupsiyaga qarshi kurashish borasida amaliyotga tatbiq etilgan huquqiy hujjatlar mazmun-mohiyati, korrupsiyani oldini olish va unga chek qo'yishga oid amalga oshirilayotgan chora-tadbirlar hamda kelgusidagi vazifalar xususida aytib o'tdi. Korrupsiya davlat va jamiyatning rivojiga, xalqning adolatga bo'lgan ishonchiga jiddiy putur yetkazadigan xavfli jinoyat hisoblanishi, shu sababdan ham mamlakatimizda ushbu jinoyatning kelib chiqish xavfini oldini olish va unga qarshi kurashish borasidagi ishlar izchillik bilan amalga oshirilatganligi haqida to'xtalib o'tdilar. Filial komplayns nazorat bo'limi boshlig'i A.A.Axmedov tomonidan ta'lim sohasida O'zbekiston Respublikasining korrupsiyaga qarshi kurashish to'g'risidagi qonun hujjatlarida belgilangan vazifalarga muvofiq, korrupsiyaga oid huquqbuzarliklar sodir etilishining oldini olish, qonunchilik, xizmat intizomi, odob-axloq qoidalari va ichki tartib qoidalarga rioya etilishini ta'minlashga qaratilgan keng qamrovli tushuntirish va targ'ibot tadbirlari o'tkazilayotganligini aytib o'tdi.
Davra suhbatida talaba yoshlarning huquqiy madaniyati va ongini yuksaltirishda korrupsiyaga oid jinoyatlarni sodir etganda javobgarlikning muqarraligi haqida tushunchaga ega bo'ldilar.
Ma'ruzalardan so'ng “Korrupsiya – taraqqiyot kushandasi” mavzusidagi filial miqiyosida insholar tanlovida sovrinli o'rinlarni egallagan talabalarga faxriy yorliqlar berildi va moddiy rag'batlantirishga tavsiya etildilar. Filial miqiyosida tashkilotchilik qobiliyati, alohida yutuqlari bilan namuna ko'rsatgan bir guruh talabalar Samarqand viloyat ichki ishlar boshqarmasi tomonidan faxriy yorliqlar va esdalik sovg'alar bilan taqdirlandilar.
