Toshkent davlat iqtisodiyot universiteti Samarqand filialiga Chexiya davlatining bir qator oliygohlari vakillaridan iborat delegatsiya tashrif buyurdi.
Joriy yil 9-dekabr kuni Chexiya agrotexnika universiteti, Praga kimyo-texnologiya universiteti, Skoda auto universiteti vakillari hamda Janob Roman Masaryk - Chexiya Respublikasining O‘zbekistondagi elchisi o‘rinbosari, StudyIn.University tashkilotchilaridan tashkil topgan xalqaro delegatsiya filialimizga tashrif buyurishdi. Tashrifdan ko'zlangan asosiy maqsad, Toshkent davlat iqtisodiyot universiteti Samarqand filiali hamda Chexiya Respublikasining yuqorida sanab o'tilgan oliy ta'lim muassasalari bilan xalqaro aloqalarini rivojlantirish va ikki taraf uchun ham foydali va manfaatli kelishuvlarga erishishdan iboratdir.