Ilmiy-amaliy tashrif bilan xorijda bo'lib turgan filialimiz professor-o'qituvchilari non va non mahsulotlari ishlab chiqarishga mo'ljallangan sanoat uskunalarini ishlab chiqarivchi FRITSCH korxonasiga tashrif buyurishdi.
Ayni damda Germaniya Federativ Respublikasida malaka oshirayotgan filialimiz o'qituvchilari Bavariya o'lkasining Kitsingen shahrida joylashgan non va non mahsulotlari ishlab chiqarishga mo'ljallangan sanoat uskunalarini ishlab chiqarivchi FRITSCH korxonasiga tashrif buyurishdi. Amaliyotga professor Paul Michaels hamda Yurgan Nidershtrasserlar boshchilik qilishdi.
Ma'lumot o'rnida aytish lozim, FRITSCH xalqaro darajadagi korxona hisoblanib, unga 1926 yilda asos solingan. Mukammal muhandislik ko'nikmalariga ega va bundan o'zining yuqori darajadagi texnik va texnologik nou-xau bilan birgalikda mijozlarga moslashtirilgan yechimlarni taklif etayotgan korxona, barcha turdagi non va non mahsulotlarini tayyorlashga ixtisoslashgan keng tanlovli mahsulot assortimentiga ega.