Toshkent davlat iqtisodiyot universiteti Samarqand filialida "Oʻzbekiston Respublikasi Konstitutsiyasi – mamlakat taraqqiyoti va jamiyat farovonligining huquqiy kafolati" mavzusida tadbir tashkil etildi.
Bosh qomusimiz qabul qilinganining 30 yilligi munosabati bilan filialda tashkil etilgan tadbir "Konstitutsiya – baxtimiz qomusi" shiori ostida o‘tdi. Unda Yoshlar masalalari va maʼnaviy-maʼrifiy ishlar boʻyicha direktorning birinchi o‘rinbosari X.Turdibekov, “Komplayens nazorat” boʻlimi bosh mutaxassisi A.Axmedov, Xuquqshunos M.Xolmatov, Samarqand viloyat IIB TERGOV boshqarmasi katta tergovchisi A.Xayrullaev filial professor-o‘quvchilari, talaba-yoshlar  qatnashdi.
Tadbirda mutaxassislar Bosh qomusimiz yurtimizda inson huquq va erkinliklarini himoya qilish, fuqarolik jamiyati asoslarini rivojlantirish, jamiyat hayotining barcha sohalarini izchil liberallashtirish hamda modernizatsiya qilish, «Kuchli davlatdan – kuchli fuqarolik jamiyati sari» tamoyilini hayotga tatbiq etishda eng muhim va mustahkam huquqiy asos bo‘layotganligi xususan qomusimizning 
41-moddasida har kim bilim olish huquqiga ega ekani ko‘rsatib qo‘yilgani hamda umumiy ta’lim olish davlat tomonidan kafolatlangani navqiron avlodning iqtidoru salohiyatini namoyish etishlarini alohida qayd etdishdi.