Toshkent Davlat Agrar Universiteti mustaqil izlanuvchisi Primov Abdulla Egamqulovichning «Qishloq xo'jaligi ekinlarini diversifikasiyalashning fermer xo'jaliklari iqtisodiy samaradorligiga ta'sirini baholash» mavzusidagi 08.00.04 – “Qishloq xo'jaligi iqtisodiyoti” ixtisosligidan iqtisodiyot fanlari bo'yicha falsafa doktori (Phd) ilmiy darajasini olish uchun oziq ovqat va qishloq xo'jaligi iqtisodiyoti kafedrasi boshchiligida kengaytirilgan yig'ilish bo'lib o'tdi.

Kafedra o'qituvchilari tomonidan  mavzu yuzasidan savollar berildi, dissertatsiya muhokamasi juda qizgin ravishda o'tdi
Jahon miqyosida aholining oziq-ovqat xavfsizligini ta'minlash, ishlab chiqarish hajmini va iste'mol bozorida xilma-xillikni oshirishga qaratilgan strategiyalarni ishlab chiqish muhim masalalardan sanaladi. Zero, “... hozirgi vaqtda dunyoda global iqlim o'zgarishi va aholining tez sur'atlar bilan o'sib borishi ko'pchilik mamlakatlarda oziq-ovqatga bo'lgan ehtiyojining yanada oshishiga olib kelmoqda va shu bilan birga qishloq xo'jaligi mahsulotlarini yetishtirishni 70% ga oshirishni taqozo etmoqda” 1 . SHu bois, mamlakatlarning oziq-ovqatga bo'lgan talabini qondirish maqsadida qishloq xo'jaligida ekinlar diversifikatsiyasini oshirish, qishloq aholisini ish bilan ta'minlash va ularning daromadini oshirish ustuvor vazifa bo'lib qolmoqda.