Toshkent davlat iqtisodiyot universiteti Samarqand filiali talaba-yoshlari Samarqand viloyat musiqali drama teatrining yangilangan binosida ilk spektakl namoyishiga tashrif buyurishdi.
 2022-yil 1-dekabr Toshkent davlat iqtisodiyot universiteti Samarqand filiali ta’lim-tarbiya maslahatchilari va bir guruh talabalari kuni Samarqand viloyat musiqali drama teatrining binosida ilk spektakl namoyishiga tashrif buyurishdi.  Hozirda ta’mirlanish jarayonining so‘nggi pallasi davom etayotgan teatr binosida tomoshobinlar uchun barcha qulayliklar yaratilgan. Teatr binosiga kirgan har bir kishi uning mahobati, go‘zal va ko‘rkam ko‘rinishiga mahliyo bo‘lib lol qolishi turgan gap. Bejirim badiiy bezaklarga maftun bo‘lgan go‘zallikni ko‘rgan kishining bahri-dili ochilmay qolmaydi. Bugun esa ijodkorlari yangilanib, chiroyiga chiroy qo‘shilib, ko‘rgan ko‘zni qamashtirib, dilni hayratga soluvchi viloyatda tumor misoli yagona bo‘lib turguvchi bu binoning ko‘rkam sahnasida birinchi “Tavba- tazarru” spektaklini namoyish etishdi. Teatrimiz ijodkorlari ham o‘z sahnasini sog‘ingan ekanmi, spektaklni zo‘r ishtiyoq va maroq bilan ijro etishdi. Barcha spektaklni hayajon bilan tomosha qildi.   Tomosha yakunlangach, tomoshabinlar ijrochilarni uzoq vaqt olqishlab, turfa guldastalar taqdim etishdi. Barchaning yuzida mamnuniyat sezilib turardi. Bir so‘z bilan aytganda, teatr binosi va spektakl namoyishi barchada katta ta’surot qoldirdi.