Toshkent davlat iqtisodiyot universiteti Samarqand filiali qo'shma ta'lim dasturi talabasi xalqaro stipendiyani qo'lga kiritdi.
Toshkent davlat iqtisodiyot universiteti Samarqand filiali va va Germaniyaning Vaynshtefan-Triezdorf amaliy fanlar universiteti bilan hamkorlikdagi qo’shma ta’lim dasturi talabasi Fayzullayev Bahrillo Germaniyadagi hamkor universitetning 2022 yilgi “Universitetni xalqarolashtirish” stipendiyasini qo‘lga kiritdi. Bu stipendiya Germaniyaning Bavariya davlat ta’lim va san’at vazirligi tomonidan Vaynshtefan-Triezdorf amaliy fanlar universiteti xalqaro talabalarini qo’llab-quvvatlash maqsadida ajratilib, o’qish davomida eng yaxshi natijalarga erishgan talabalar uchun beriladi.
Stipendiya sertifikatini Bahrilloga hamkor universitet professorlari Paul Michels va Irina Smetanskayalar topshirdilar.
Talabamiz Fayzullayev Bahrilloni tabriklaymiz va keyingi o’qishlarida muvaffaqiyatlar tilaymiz.