Toshkent davlat iqtisodiyot universiteti Samarqand filialida o'tkazilgan "Vazir kubogi" musobaqasi bo'yicha taqdirlash marosimi bo'lib o'tdi.
Joriy yil 23-noyabr kuni filial sport zalida 10 kun davomida o'tkazilgan "Vazir kubogi" sport musobaqasining taqdirlash marosimi tashkil etildi. Taqdirlash marosimida filial direktori professor O. Murtazayev, filial "Komplaens nazorat" bo'lim boshlig'i A. Axmedov, "Iqtisodiyot" fakulteti dekan o'rinbosari L. Eshonqulov hamda guruh ta'lim tarbiya maslahatchilar, shuningdek talaba-yoshlar qatnashishdi. Marosimni filial direktori talaba-yoshlarni vatanimiz kelajagida muhim shaxs bo'lib yetishishlarida sportning ham ahamiyati yuqoriligi, qolaversa keyingi yillarda oliy ta'lim tizimida sport sohasiga qaratilayotgan o'zgacha e'tibor, yaratilayotgan keng imkoniyatlar xususida ta'kidlab o'tdi. 
Tadbir davomida o'g'il bolalar o'rtasida futbol sport turi hamda qiz bolalar o'rtasida voleybol sport turi bo'yicha musobaqa g'oliblari taqdirlandi. Quyida futbol bo'yicha 40 ta jamoa orasidan faxrli o'rinlarni egallagan jamoalar bilan tanishishingiz mumkin:
3-o'rin - IQT-222 - guruh
2-o'rin - ORI-122 - guruh
1-o'rin - BI-221 - guruh
Qiz bolalar o'rtasida voleybol sport turi bo'yicha musobaqada 7 ta jamoa qatnashgan bo'lib faxrli o'rinlar quyidagicha:
3-o'rin - BX - 2-kurs terma jamoasi
2-o'rin - BX - 3-kurs terma jamoasi
1-o'rin - RI - 2-kurs terma jamoasi
Tadbir so'nggida g'olib jamoalar diplom va esdalik sovg'alar bilan taqdirlanishdi. Shuningdek, musobaqani tashkil etishda yaqindan yordam bergan tashkilotchilarga ham faxriy yorliqlar berildi.
Ushbu musobaqada g'oliblikni qo'lga kiritgan talabalarni tabriklaymiz, shuningdek musobaqa ishtirok etgan qolgan jamoalarga navbatdagi turnirlarda omad tilab qolamiz.