Toshkent Davlat iqtisodiyot universiteti Samarqand filiali professor-o'qituvchilari Germaniyaning Weihenstephan - Triesdorf (Bavariya) amaliy fanlar universitetiga tashrif buyurishdi.

Toshkent Davlat iqtisodiyot universiteti Samarqand filiali professor-o'qituvchilari Sherzod Yuldashev hamda Salohiddin Fazliyevlar Germaniyaning Weihenstephan - Triesdorf (Bavariya) amaliy fanlar universitetiga tashrif buyurishdi. Xalqaro stajirovka o'tash O'zbekiston Respublikasi Oliy va o'rta maxsus ta'lim vazirligi hamda TDIU Samarqand filiali tomonidan xalqaro universitetlarda pedagog kadrlar malakasini oshirishning maxsus rejasiga ko'ra amalga oshirilmoqda. 
Hamkasblarimizni Dr. Kristian Shuh, Katya Krauter hamda professor Dr. Paul Mihelslar kutib olishdi. Tashrif davomida amaliyot o'tash barobarida xalqaro studentlar bilan ishlash, qo'shma ta'lim dasturi bo'yicha hamkorlikni yanada rivojlantirish, xalqaro ko'rgazma va simpoziumlarda qatnashish rejalashtirilgan. 

Eslatib o'tamiz, mazkur amaliyot dasturi bir oyga mo'ljallangan bo'lib, joriy yilning 17 dekabriga qadar davom etadi.