TDIU Samarqand filialida "Zamonaviy SMM marketing va sotish siyosati" mavzusida seminar-trening bo'lib o'tdi.
Joriy yil 10-noyabr kuni filial kutubxonasida TDIU Samarqand filiali “Oziq-ovqat va qishloq xo'jaligi iqtisodiyoti” kafedrasi MARKETING TO'GARAGI, hamda "AIR Fresh" korxonasi asoschisi Sadriddin Qarshiboev "TDIU Samarqand filiali"da o'z biznesini ochishdagi eng birinchi va eng muhim savoliga javob qidirib yurgan bo'lajak tadbirkorlarga bepul seminar-trening tashkil etdi! 

Trening davomida S. Qarshiboev tomonidan zamonaviy SMM marketingning korxona faoliyati rivoji uchun muhim ahamiyatga ega ekanligi, korxona mahsulot va xizmatlarini sotishning zamonaviy usullari, korxonada marketing faoliyatini tashkil etish va uni yuritish bo'yicha yo'nalishlar, mahsulotni sotish bo'yicha zamonaviy ko'nikmalar, shuningdek endi tadbirkorlikni boshlayotgan yosh tadbirkorlar nimalarga e'tibor berishi kerakligi haqidagi qimmatli ma'lumotlarni berib o'tdi.
Trening rivojlangan mamlakatlarda muvaffaqiyatga erishgan kompaniya va shaxslar marketingni qanday tashkil etganligi xususidagi misollarga boy tarzda bo'lib o'tdi. Seminar-trening davomida ishtirokchilar tadbirkorlik sohasida yutuqlarga erishib kelayotgan Sadriddin Qarshiboevdan o'zlarini qiziqtirgan savollarga atroflicha javob oldilar.