Toshkent davlat iqtisodiyot universiteti Samarqand filialida "Qizlarni oilaviy hayotga tarbiyalash va yotoqxona tartib qoidalariga qatʼiy rioya qilish" mavzusida davra suhbati bo'lib o'tdi.
Joriy yilning 31- oktyabr kuni TDIU Samarqand filial Talabalar turar joyida " Qizlarni oilaviy hayotga tarbiyalash va yotoqxona tartib qoidalariga qatʼiy rioya qilish" mavzusida davra suhbati bo'lib o'tdi.
Yig'ilishda filial talaba qizlari va pedagog tarbiyachilar, yoshlar ishlari bo'yicha filial yetakchisi qatnashishdi.
Davra suhbati qizg'in bahs va munozarali bo'lib o'tdi. Filial Xotin-qizlar masalalari bo'yicha direktor maslahatchisi E.Z.Isakova Yotoqxonadagi tartib-intizomni qatʼiy tutish kerakligini, odob-axloq  qoidalariga rioya etish kerakligini, har bir xona tozaligi uchun ma'sul navbatchi qizlar tayinlanganligini va o'tgan o'quv yilidan buyon o'tkazib kelinayotgan " Mohir qo'llar" mahorat darslarini davom ettirish kerakligini uqtirdi.
Pedagog tarbiyachi E. Nurillaeva xar bir xonada gul tuvaklarda gullar bilan xonalarni ta'minlash kerakligi bu ham xonani estetik ko'rinishini va sog'lik uchun foydali ekanligini taʼkidlab o'tdi. Yoshlar yetkachisi B.Baxodirov yotoqxonada turli xil musobaqalar tashkil etilishini ushbu tadbir va musobaqalarda qizlarimizni faol qatnashishlarini aytib o'tdi.