Toshkent davlat iqtisodiyot universiteti Samarqand filiali Iqtisodiyot fakulteti 1-bosqich guruhlarida filial psixologining vazifalari, amalga oshiradigan chora tadbirlari, ijtimoiy individual, psixologik yordam ko‘rsatish imkoniyatlari haqida targ‘ibot, tushuntirish ishlarini amalga oshirish to‘g‘risidagi uchrashuv tashkil etildi.
Ushbu uchrashuvda "Statistika" ta'lim yo'nalishining 1- bosqich 122-guruh talabalari va filial psixologi Oripov Z, guruh tyutori Bektemirov Shokirlar qatnashdilar. Uchrashuv davomida esa, psixologning yoshlar hayotida tutgan o’rni, vazifalari, amalga oshiradigan chora tadbirlari, ijtimoiy individual, psixologik yordam ko’rsatish imkoniyatlari haqida targ’ibot, tushuntirish ishlarini amalga oshirdilar. Uchrashuvni guruhi tyutori Bektemirov Shokir o’tkazilayotgan tadbirning mazmun-mohiyati va maqsadini ta’kidlab o’tdi va  talabalarni taklif qilingan filial psixologi Oripov Z  bilan tanishtirdi.

Filial psixolog  Z.Oripov so’zga chiqib, O‘zbekiston Respublikasi Prezidentining 2017-yil 27-iyuldagi №PQ-3151 sonli qarori hamda O‘zbekiston Respublikasi Prezidenti Sh.M.Mirziyoyev rahbarligida 2017 yil 2 avgust kuni o’tkazilgan majlis bayonida belgilangan vazifalar ijrosini ta’minlash, shuningdek, oliy ma’lumotli mutaxassislar sifatini oshirishga qaratilgan 5-sonli ilovasiga  muvofiq joriy yildan barcha oliy ta’lim muassasalarida oliy ta’lim muassasasi psixologi xizmati tashkil etilganligini aytdi.

U bugungi kunda psixologiya fanining maqsadi, mohiyati va dolzarbligi hamda psixolog mutaxassislarning jamiyatimizda tutgan o’rni nechog’lik muhim ekani, hozirgi yoshlarimizda ko’p uchraydigan depressiya holati yoki jazavaga tushish holatlari, uni bartaraf qilish imkonlari  haqida ilmiy misollar bilan tushuntirib o’tdi.

Oliy ta’lim muassasasida joriy etilgan psixologik xizmat turlari bilan tanishtirdi

• Psixologik, psixoprofilaktik ishlar.

• Psixologik, ma’naviy va ma’rifiy ishlar.

• Psixodiagnostik ishlar.

• Psixik rivojlantirish va psixokorreksion ishlar.

• Psixologik konsultasiya (maslaxat).                                                             

Shuningdek kimda Stress, uzoq muddatli depressiya, surunkali tushkun kayfiyat, muomalada qiyinchilik, shaxsiy psixologik muammolar, o’qishingiz borasidagi muammolar, ijtimoiy psixologik muammolar, individual muammolar, individual psixologik muammolar mavjud bo’lsa,  murojaat qilishlari mumkinligini ma’lum qildi.

      Filialda belgilangan barcha psixologik xizmat turlari ijtimoiy talabga ko’ra jamoaviy va individual tarzda amalga oshirilishi mijoz bilan psixolog o’rtasida kechgan konsultativ suxbat davomida olingan ma’lumotlar mijoz talabiga muvofiq qat’iyan sir saqlanishi universitet psixologi tomonidan kafolatlanishini ta’kidladi.Kimning xohishi yoki psixolog xizmatiga ehtiyoji bo’lsa bemalol uchrashishlari mumkinligini va bu xizmatlar bepulligini  aytdi. Xozirgi kunda psixologning yoshlar xayotida katta o’rni borligi, ularning yetuk kadr bo’lib yetishishlarida ularga kerakli muloqot madaniyatini shakllantirish, notiqlik sirlarini o’rganishi, o’zini qanday tutishi, energiyasini to’g’ri taqsimlashi kabi bir qator bilimlar berilishi haqida gapirib berdilar. Eng asosiysi ko’pchilik yoshlarimiz haligacha psixolog bilan psixiatr kimligini ularning farqi va vazifalari to’g’risida yetarlicha ma’lumotga ega yemasligi sababli juda qiziqarli qilib misollar bilan tushuntirib berdilar.

O’tkazilgan uchrashuv, barcha talabalarda katta qiziqish uyg’otdi, savol-javoblarga boy, munozarali o’tdi va ishtirokchilar o’zlariga kerakli tushunchalarga ega bo’lishdi.