Toshkent davlat iqtisodiyot universiteti Samarqand filialida direktor va talaba-yoshlar o'rtasida suhbat tashkil etildi.
Joriy yil 28-oktyabr kuni faollar zalida filalimiz direktori, professor Olim Murtazayev va talaba-yoshlar uchrashuv bo'lib o'tdi. Shuningdek, mas'ul xodimlardan "Yoshlar masalalari va ma’naviy-ma’rifiy ishlar bo‘yicha" direktor o'rinbosari H. Turdibekov, "Iqtisodiyot" fakulteti dekani A. Taniyev, "Komplayens nazorati" bo'lim boshlig'i A. Axmedov, filial ijtimoiy-ma’naviy muhit barqarorligini ta’minlash bo'yicha direktor maslahatchisi G'. Kurbanov, Yoshlar ittifoqi boshlang'ich tashkiloti yetakchisi B. Baxodirov hamda tyutorlar qatnashishdi. Uchrashuv davomida filial talabalari bir-birlari bilan hamjihatlikda bo'lishlari, bir-birlarini qo'llab-quvvatlashliklari hamda agarda o'zlarida qaysidir soha bo'yicha iqtidor-qobiliyatlari bo'lsa tortinmasdan filial mas'ul xodimlariga murojaat qilishlarini va ular albatta qo'llab-quvvatlanishi ta'kidlandi. Shuningdek,"Yoshlar masalalari va ma’naviy-ma’rifiy ishlar bo‘yicha" direktor o'rinbosari H. Turdibekov ham so'zga chiqib shu paytgacha talabalarga ijara to'lovlarining bir qismi to'lab berilganligi, noyabr oyidan boshlab esa ijara shartnomasiga ega talabalarga belgilangan miqdorda to'lov summasining 50% i to'lab berilishini, bundan tashqari 1- kursga qabul qilingan talabalar to'lov -shartnoma mablag'larini 1-noyabr sanasigacha to'lamasa talabalikka tavsiya etilmasliklari to'g'risida tushuntirishlar berdi.
Bir so'z bilan aytganda, direktor va talaba-yoshlar o'rtasidagi ushbu suhbat juda foydali va mazmunli bo'lib o'tdi.