Toshkent davlat iqtisodiyot universiteti Samarqand filialida "PATENTmi yoki FIRMAmi?" nomli seminar-trening bo'lib o'tdi.
Joriy yil 27-oktyabr kuni filial kutubxonasida “Oziq-ovqat va qishloq xo'jaligi iqtisodiyoti” kafedrasi, hamda "DIL-RIZO GARANT" buxgalterlik korxonasining tashabbusi bilan seminar-trening tashkil etildi.
Treningni Marketing asoslari fan o'qituvchisi Salohiddin Fazliyev ochib berdi. Seminar-treningga yig'ilgan talabalarga "DIL-RIZO GARANT" buxgalterlik firmasi rahbari Ashurov Baxtiyor Axadovich tanishtirildi. Shundan keyin Baxtiyor Ashurov biznesda xususiy sektorning ro'li, aynan AQSH, Rossiya va boshqa chet mamlakatlarda aholining qancha qismi xususiy sektor bilan bandligi va bu mamlakat iqtisodiyotida muhim ahamiyatga egaligi haqida so'z yuritdi. Shuningdek, zamonaviy firmalar kichik, o'rta va katta biznes subyektlari faoliyatida buxgalteriya hisobi operatsiyalarining to'g'ri yuritilishi, hujjatlar va amaliyotning bir-biriga mos kelishi haqida ham tushunchalar berildi.
Trening davomida, o'z biznesini boshlamoqchi bo'lgan bo'lajak tadbirkorlarning qiziqarli savollariga amaliy javoblar berildi.
"Dil-Rizo Garant" hamda TDIU Samarqand filiali shu kabi hamkorlik ishlarini yanada rivojlantirishni o'z oldilariga maqsad qilib oldilar.