Toshkent davlat iqtisodiyot universiteti Samarqand filialida tajribali o'qituvchi tomonidan Germaniyada o‘qish, DAAD stipendiya dasturlari va til sertifikatlari (A2-C1) imtihonlari haqida taqdimot o‘tkazildi.
2022-yil 10 – oktabr soat 13: 30 da  Samarqand davlat chet tillar instituti DAAD o‘qituvchisi Anton Umbax Toshkent davlat iqtisodiyot universiteti Samarqand filialiga tashrif buyurib, talabalarga Germaniyada o‘qish, DAAD stipendiya dasturlari va til sertifikatlari (A2-C1) imtihonlari haqida taqdimot o‘tkazdi. Taqdimotda  Germaniyada oliy ta’limda o‘qish mutlaqo bepulligi, Germaniyada nafaqat nemis tilida, balki xalqaro talabalar uchun ingliz tilida ta’lim joriy etilganligi, Germaniyada o‘qish davomida talabalarga bir vaqtning o‘zida   o‘z mutaxassisligi bo‘yicha amaliyot olish imkoniyati berilishi, Germaniya grant yutib o‘qishga ketishni istagan talabalarga, DAAD dasturi yordamga kelishi,  bakalavr va magistratura bosqichlarida ta’lim olish uchun imkoniyatlar ko‘pligi to‘g‘risida batafsil ma’lumotlar berildi. Taqdimotda 4-bosqich Raqamli iqtisodiyot ta’lim yo‘nalishi hamda 1-bosqich Bank ishi ta’lim yo‘nalishi talabalari, Xalqaro bo‘lim vakili, “Tillar” kafedrasi mudiri B.M.Mirsanov, “Nemis tili”fani  o‘qituvchisi Sh.O.Mardiyev faol qatnasib, DAAD o‘qituvchisi Anton Umbaxga Nemis tili sertifikatlarini (A2-C1) olish bo‘yicha imtihonlarni topshirish, Germaniyada magistraturada o‘qish bilan bog‘liq o‘zlari qiziqtirgan savollarni berishdi. Berilgan savol-javoblar asosida ushbu uchrashuv qiziqarli o‘tda.