Samarqand viloyat hokimligida "Davlat hokimiyati va boshqaruv organlari faoliyatining axborot ochiqligini monitoring qilish va baholash" mavzusida davra suhbati bo'lib o'tdi. Ushbu yig'ilishda filial matbuot kotibi Parvina Amritdinova ham qatnashdi.
Viloyat hokimligida "Davlat hokimiyati va boshqaruv organlari faoliyatining axborot ochiqligini monitoring qilish va baholash" mavzusida davra suhbati bo'lib o'tdi. Unda Oliy Majlis Qonunchilik palatasining Innovatsion rivojlanish, axborot siyosati va axborot texnologiyalari masalalari qo'mitasi raisi Ilhom Abdullaev hamda mazkur qo'mita a'zolari, shuningdek palata deputatlari, Devonxona xodimlari ishtirok etdi.
Viloyatdagi Axborot xizmati rahbarlari - tashkilotlar boshliqlarining axborot siyosati masalalari bo'yicha maslahatchilari jam bo'lgan mazkur tadbirda qo'mita raisi "Davlat hokimiyati va boshqaruv organlari faoliyatining ochiqligi to'g'risida"gi O'zbekiston Respublikasi qonunining ayni kunda Samarqand viloyatidagi ijrosi monitoring natijalari haqida ma'lumot berdi.

Monitoring natijalariga ko'ra, Samarqand viloyati Respublikada birinchi o'rinda, viloyatda Axborot xizmatlari tomonidan amalga oshirilayotgan ishlar tahsinga loyiq ekanligi e'tirof etildi.

Shuningdek, tadbirda viloyat AOKA viloyat boshqarmasi boshlig'i Mannop Ibodullaev, Jurnalistlar Ijodiy Uyushmasi mas'ul xodimining axborotlari ham tinglandi.
Ishlarni bo'shashtirmaslik, ziddiyatli vaziyatlarda qonun talablari asosida harakatlanish, resurslarga axborotlarni tezkorlik bilan joylashtirish bo'yicha tavsiyalar berildi.
Davlat siyosatini xalqqa yetkazishdek muhim vazifani bajarayotgan Axborot xizmati mutasaddilarining faoliyati bo'yicha muntazam seminar - trening va muloqotlar tashkil qilish bo'yicha takliflar bildirildi.