Joriy yil 7-sentyabr TDIU Samarqand filialida "ERASMUS+" dasturi Agrodev loyihasi doirasida xalqaro seminar boshlandi

Bugun, TDIU Samarqand filialida “ERASMUS+” dasturi AgroDev (Sifatli qishloq xo'jaligi va oziq ovqat mahsulotlari ishlab chiqarish tarmoqlari barqarorligini qo'llab-quvvatlashga qaratilgan oliy ta'limni rivojlantirish) loyihasi doirasida Global GAP standartlari bo'yicha seminar trening boshlandi.  
Seminar-treningning birinchi kunida Avstriyaning “Helfswerk International” xalqaro tashkiloti vakili, Tojikiston qishloq xo'jaligi tizimida Sifatni boshqarish markazi direktori, xalqaro ekspert Mirzaravshan Qobilov Global GAP standartining asosiy bazalari, xususan oziq-ovqat mahsulotlari bo'yicha talab va normativ qoidalar bo'yicha ma'ruza qilmoqda.   
Seminar treningdan o'tkazishdan asosiy maqsad – qishloq xo'jaligi mahsulotlarini yetishtirishda rivojlangan mamlakatlarning sifatli iste'molchilari talablariga mos raqobatdosh mahsulotlar yetishtirishda kadrlar tayyorlash tizimi xodimlarini bilim va ko'nikmalarini yanada takomillashtirishga qaratilgan GLOBAL GAP standart talablarini yanada chuqurroq o'rganish imkoniyatini yaratishdir. 
Eslatib o'tamiz, seminar-trening 9-sentabrgacha davom etadi.