Kuni kecha Toshkent davlat iqtisodiyot unversiteti Samarqand filiali tomonidan Samarqand shahar 10-umumiy o'rta ta'lim maktabi bilan hamkorlikda "Buvijonim kiygan liboslar" nomli ma’naviy-ma’rifiy tadbirlar o‘tkazildi.

Mazkur tadbirlarda Toshkent davlat iqtisodiyot unversiteti Samarqand filiali talaba qizlari hamda maktab o'quvchi qizlari bilan birgalikda tayyorlagan milliy, o‘zbekona kiyimlari namoyish qilindi. Shu bilan birgalikda buvijonlarimiz o'git va nasihatlaridan parchalar keltirib, sahna ko‘rinishlarini namoyish etildi. Toshkent davlat iqtisodiyot unversiteti Samarqand filiali talaba qizlari maktab o'quvchilari uchun tayyorlangan amaliy seminar treninglar o'tib qaytishdi.

Bu kabi tadbirlar yosh qizlarimiz o‘rtasida milliy kiyinish madaniyatini takomillashtirish maqsadida o‘tkazilmoqda.

-Milliy liboslarimizni kiyib o'zbekona lutfi ibo bilan sahnagacha chiqdik. Yosh qizlarning havas bilan bizga boqishi sahnada namoyish etilayotgan liboslarning tovlanishi, qizlarning boshdagi do'ppilari, u yerni milliylikka burkadi, deydi M.Nomozova.

Toshkent davlat iqtisodiyot unversiteti Samarqand filiali Matbuot xizmati