Yangi tayinlangan dekan - Taniyev Ahmadjon Bahromovich ish faoliyati haqida batafsil ma'lumot.
Ahmadjon Bahromovich Taniev, 1975 yilda tug'ilgan, ma'lumoti oliy, mutaxassisligi iqtisodchi. 1992 yilda o'rta maktabni oltin medal bilan bitirib, Samarqand Davlat universitetining iqtisodiyot va ishlab chiqarishni boshqarish yo'nalishiga o'qishga qabul qilingan. 1997 yilda  bitirgan. 1998 yildan buyon Samarqand Davlat universitetining inson resursarini boshqarish fakultetida faoliyat olib bormoqda. 2011-2015 yy .- Samarqand davlat universitetining «Ijtimoiy iqtisodiyot, menejment va moliya» kafedrasi dosenti vazifasini bajaruvchi, dekan o'rinbosari. 2015-2017 yy  Samarqand davlat universitetining «Kadrlar, menejmenti» kafedrasi  mudiri, 2017-2018 yy Samarqand davlat universitetining «Kadrlar, menejmenti» kafedrasi  dosenti. 2018–2020 yy Yoshlar bilan ishlash buyicha  dekan o'rinbosari. 2020 – bugungi kungacha raqami iqtisodiyot kafedrasi dosenti lavozimida ishlamoqda.
2010 yilda Bank-Moliya Fanlar akademiyasi qoshidagi ixtisoslashgan kengashda 08.00.07 – “Moliya, pul muamolasi va kredit” ixtisosligi bo'yicha nomzodlik dissertasiyasini muvaffaqiyatli himoya qilgan.
2018 yilda O'zbekiston Respublikasi Oliy Attestasiyasi Komissiyasi xulosasiga asosan “Moliya, pul muamolasi va kredit” ixtisosligi bo'yicha dosent ilmiy unvoni tasdiqlangan.
A.Taniev tomonidan mualliflikda 1ta darslik, hammualliflikda 1ta darslik , 2 ta o'quv qo'llanma, 2 ta uslubiy qo'llanma, 1 ta monografiya  va 9 ta dasturiy guvoxnoma hamda 50 ta ilmiy maqola va tezislar, shulardan, 15 tasi O'zbekiston Respublikasi OAK tomonidan e'tirof etilgan jurnallarda chop ettirgan. 
Hozirgi paytda kafedraning bosh ilmiy mavzusi asosida “O'zbekistonda bilvosita soliqlarni undirish mexanizmini takomillashtirishning konseptual asoslari” mavzusidagi doktorlik  dissertasiyasi bo'yicha ilmiy tadqiqot ishlarini olib bormoqda.
U yoshlarni barkamol avlod etib tarbiyalashda ustoz-shogird an'anasi asosida ma'naviy-ma'rifiy ishlarni bevosita o'quv-ilmiy faoliyat bilan chambarchas olib bormoqda. Fakultetda 1-kurs talabalari orasidan iqtidorli talabalarni tanlash ishchi guruhiga rahbarlik qilib keladi. Uning ilmiy rahbarligida 2017-2018 o'quv yilida “Menejment” fani bo'yicha talabalar respublika fan olimpiadasi universitet miqyosidagi 1-bosqichida Umirov Islom 1-o'rinni egallab, respublika 2-bocqichida 3 o'rinni egalagan, 2018-2019 o'quv yilida “Marketing” fani bo'yicha talabalar respublika fan olimpiadasi universitet miqyosidagi 1-bosqichida Tirkashev Sunnat Xolmirza o'g'li 1-o'rinni egallab, respublika 2-bocqichida 3 o'rinni egaladi .
Kafedrada faoliyat ko'rsatayotgan “YOsh soliqchi” to'garagiga rahbarlik qilib kemoqda. Tugarakning “Avers” jamoasi 2016 yida Respublika miqiyosida o'tkazilgan “Soliq bilimdonlari” tanlovda Oliy .ta'lim muassaaslari o'rtasidagi tanlovda viloyat va xududiy bosqicharda birinchi o'rinni olib respublika bosqichida faol qatnashdi.
U kafedraning moddiy-texnik bazasini mustahkamlash, ilmiy salohiyatini yuksaltirishda namunali darajada faoliyat ko'rsatib kelmoqda. Ilmiy-pedagogik malakasini oshirish uchun tinimsiz ishlaydi.
Ahmadjon Taniev kamtarin, mehnatsevar, o'z burchiga sadoqatli, to'g'ri so'z, tajribali pedagog va mahoratli ilmiy xodimdir.