Germaniyaning Vaynshtefan-Triezdorf amaliy bilimlar universiteti hamda German Sparkassenstiftung xalqaro hamkorlik fondining rahbar va xodimlaridan iborat nemis delegatsiyasi filialimizga tashrif buyurishdi.

Joriy yil 29-iyun kuni Germaniyaning Vaynshtefan-Triezdorf amaliy bilimlar universiteti hamda German Sparkassenstiftung xalqaro hamkorlik fondining rahbar va xodimlaridan iborat nemis delegatsiyasi Toshkent davlat iqtisodiyot universiteti Samarqand filialiga tashrif buyurdi. Delegatsiya tashrifidan asosiy maqsad – filial va Vaynshtefan-Triezdorf amaliy bilimlar universiteti bilan hamkorlikdagi qo’shma dastur faoliyatini muhokama qilish hamda “O’zbekistonda yetarli moliyaviy xizmatlar ko’rsatishni taklif etish orqali agrar sektorni mustahkamlash va qishloq hududlarini rivojlantirish” loyihasini qo’llab-quvvatlashdan iborat.
Nemis delegatsiyasi amaliy tashrif bilan ikki kun filialimizda bo’ladi.
 
Delegatsiyaning amaliy tashrifi va faoliyati natijalarini biz bilan birgalikda kuzatib boring.