Toshkent davlat iqtisodiyot universiteti Samarqand filiali o'quv ishlari bo'yicha direktor o'rinbosari F.B.Axrorov Polshaning Vroslav xayotiy fanlar universitetiga xizmat safari davomida “Agrobiznes” magistratura mutaxassisligi talabalariga ma'ruza kursini o'tmoqda. Bir haftalik modulda magistrantlar va ilmiy xodimlarga  1. Ekotizimlar, yerdan foydalanish, qishloq xo'jaligi, o'rmon xo'jaligi, suv, sho'rlanish va biologik xilma-xillik; 2. Global suv siyosati. Markaziy Osiyoda suv va suv sohasidagi hamkorlik; 3. Qishloq xo'jaligining rivojlanishi va uning atrof-muhitga ta'siri: Orol dengizi halokati; 4. Barqarorlikni miqdoriy jihatdan aniqlash. Resurs oqimlarini o'lchash mavzularida ma'ruzalar o'tilishi rejalashtirilgan. 
Shuningdek, safar davomida universitetning Xalqaro aloqalar bo'yicha prorektori Kshishtof Kafarski hamda “Iqtisodiyot” kafedrasi professor-o'qituvchilari bilan kelgusidagi hamkorlik munosabatlari va loyihalar bo'yicha muzokaralar o'tkazilmoqda.