2024-yil 30-mart kuni O‘zbekiston Respublikasi Prezidenti Sh.M.Mirziyoyev rahbarligida 2024-yil 5-fevralda “Ta’lim, sog‘liqni saqlash, raqamlashtirish, madaniyat va sport yo‘nalishlari bo‘yicha 2024-yilgi ustuvor vazifalarga bag‘ishlab o‘tkazilgan yig‘ilish bayonida belgilangan vazifalar” ijrosini ta’minlash maqsadida  Toshkent davlat iqtisodiyot universiteti Samarqand filiali direktori O.Murtozayev hamda Iqtisodiyot fakulteti professor-o‘qituvchilari jamoasi ishtirokida uchrashuv bo‘lib o‘tdi. 

Uchrashuvni fakultet dekani G‘.A.Ibragimov ochib berib, mazkur uchrashuv suhbat shaklida o‘tkazilishli, uchrashuvdan maqsad, undan kelib chiqib belgilanadigan vazifalar to‘g‘risida axborot berib, so‘zni filial direktori, professor O.Murtazayevga berdi.

Filial direktori O.Murtazayev o‘z so‘zida jamoaning bugungi kundagi olib borayotgan mehnati uchun minnatdorchilik bildirgan holda, jamoa oldida turgan kelgusidagi vazifalar, filial faoliyatini yanada rivojlantirish, ta’lim sifatini yanada oshirish, moddiy-texnik bazani yanada takomillashtirish, jamoada ilmiy salohiyatni oshirish, jamoadagi yutuqlar, yo‘l qo‘yilayotgan kamchiliklar, hamfikrlikni ta’minlash va hokazolar borasida o‘z munosabatini bildirib o‘tdi.  Notiq o‘z so‘zida hozirgi kunda Oliy ta’limga talab har qachongidan yuqoriligi, tizim jamiyat ma’naviy hayotiga ham ziyo tarqatishi kerakligi, oliy ta’limda qamrov keskin oshib borayotganligi, tarmoqqa xususiy sektor ham jadal kirib kelayotganligi, bu borada raqobatni oshirishi, shu sabab endilikda bor e’tiborni ta’lim sifatiga qaratish, talabalar ta’limi va professor-o‘qituvchilar faoliyati uchun sharoitlarni yanada yaxshilash borasida bosh qotirish rahbariyatning birlamchi vazifalaridan bo‘lib kelayotganligini hamda bu borada davlat rahbarining e’tibori va talabi kuchayotganligini alohida ta’kidladi.

Uchrashuvda so‘zga chiqqan Ilmiy ishlar va innovatsiyalar bo‘yicha direktor o‘rinbosari Z.X.Abdullayev filialda ilmiy sohada olib borilayotgan faoliyat, SCOPUS tizimida maqolalar nashr qilishda yangiliklar va imkoniyatlar, 18-19 aprel kunlarida tashkil etilayotgan “Iqtisodiyotni barqaror rivojlantirishda raqamli texnologiyalar: muammolar, innovatsiya va yechimlar” mavzusida ilmiy-amaliy anjumani,  6-7-May kunlari tashkil etilayotgan “Markaziy Osiyoda barqaror mintaqaviy rivojlanish”  Ii-Xalqaro ilmiy-amaliy konferensiyaga tayyorgarlikning borishi, jamoaning bu konferensiyalarda faolligi haqida so‘z yuritdi. 

Ochiq, samimiy va do‘stona ruhda o‘tkazilgan uchrashuvda professor-o‘qituvchilar ham o‘zlarini qiziqtirgan savollari, taklif va tashabbuslari bilan direktorga murojaat qildilar. Ko‘tarilgan masalalarning aksariyati bo‘yicha shu joyning o‘zida maslahatlar berilib ijobiy hal etildi. Bildirilgan takliflar filial direktori tomonidan qo‘llab-quvvatlandi.